三文魚蝦look雜菇豆乳湯飯

呢個復活節完全宅（毒？）在家..ahha
其實響較早前本應想同老公去個小旅行，但一路都無時間去plan呢樣嘢，事鬼但反正我個人好佛系，唔去旅行就響屋企攪lee攪路又一日。而且我發覺條街真係少咗人，行得仲舒服！

當然最多時間都係唸食食食。

可以悠悠閒閒咁樣食個早餐對我哋呢d日日懶床狗衝返工嘅人嚟講真係無咩可能。好可惜，我天生超級賤骨頭，返工就懶床，放假頂佢日日9點幾就自動醒晒，仲點都瞓唔返，唉！

好啦好啦，既然係咁就整個早餐，唸起同事之前旅行買咗包九州pancake粉比我，佢話嗰日大排長龍入唔到去食於是就買返嚟整無咁嬲。咁佢主打7種穀物無添加之類，ok其實我自己個pancake食譜整到有d悶，就試下呢個。

材料簡單到爆隨手有

 

easy job撈好晒，連分蛋都唔洗，hold10分鐘先煎得，就可以趁呢個時間煲咖啡，heehee

平時返工多數飲齋啡，放假勁好心機去打埋奶整cappuccino

hmm..我覺得幾好食嘅，好香穀物味，食個早餐舒舒服服咁同老公吹下水講下爛gag令人心情大好！

跟住睇電視見到人食蠔仔湯飯，我都好想食湯飯啊！但我唔想食蠔仔，跟住我哋去行超市當假日節目順手買餸，湯飯料就係咁簡單。
##其實用日本麵豉襯d,但要清物資就用咗韓國喇！

首先將d蝦同三文魚用少少蒜鹽略煎表面，三文魚煎完切一口size.

用鰹魚汁，麵豉煲個湯，一路煲一路試味，滾起落雜菇菇至軟，加埋切咗粒粒嘅豆腐（話時話呢隻特濃豆腐都幾好味）同埋魚蝦，再滾起時加埋豆漿，攪掂！

食時嬸d芝麻紫菜碎，好正好正好正！！

真係眨眼就煮好，好簡單！豆乳加海鮮呢個組合無得輸，好甜！不知不覺就食晒飲晒。節食？放完假先啦！！