我不嬲都唔會太就我老公食咩, 所以我通常只會整我想整或者我中意食嘅嘢食..haha...久而久之, 我老公就變到
咁見佢咁就得我, 通常如果佢難得有要求, 5次我都會有一兩次理下佢嘅。話說前兩日我見佢同個廁所講佢好想食焗薯...hahaa..當時其實我無理佢嘅, 第2日突然唸起問返佢, 佢話佢無對住個廁所講喎, 佢只係對住廁所門講...hahhaha...不論佢對住邊樣講都好, 其實佢都係同緊我講..haha..
咁我就唸起之前睇過梁祖堯一個recipe。其實我好中意睇梁祖堯, 中意佢煮嘢唔係好花巧嗰種, 我中意佢整到好hea咁, 其實係有point嘅, 好簡單又講得好清楚!咁我就跟佢整咗個薯角喇!(係係係...我記得我老公係要焗薯, 但我想食薯角多d啵..hmm)
薯仔我用普通街市嗰d
咁首先梗係洗到佢乾乾淨淨再切好先啦!
我以前只會浸凍水, 梁祖堯就教, 直接用水喉沖洗, 沖走表面嘅薯仔汁同澱粉質直至d水變清就得, 咁做先會香脆嘅。好喇, 又試下睇下係咪真係有唔同!
沖完抹到佢乾晒
hehehe...show time, 開始落味喇!無份量, 人人口味唔一樣, 落完試味, 唔夠再加!
好魔鬼..kekeke!紅椒粉, 蒜鹽, 芝士粉, 欖橄油, 我隻欖橄油仲要有辣..kekeke...
撈勻晒就可以落盤
200度, around30分鐘, 頂焗緊已經成間屋香!一拎出嚟已經狗衝唔切熱死自己個嘴!係比平時脆!乾身, 裡面溶晒粉晒, 好正!
我老公由以前唔食辣, 比我訓練到唔食但焗住食辣..hahaha...佢會一路食一路話"好辣, 頭都痕"(鑊鑊都係呢兩句..haha), 但見佢都唔停咁食, 仲包辦最後一舊即係無問題啦!hehe..我用咗日式芝麻醬, 因為有少少酸, 我覺得好夾!以後可以用嚟做party小食!
哈哈，我都係唔理老公食乜，因為佢乜都食
回覆刪除我都試過咁整，唔熱氣又唔會肥
hahaha..我老公都係, 基本想係咩都食, 所以唔洗理佢!haha
刪除嘩~~引死人啦！下次我都要咁整先~~
回覆刪除我而家仲成日心思思想食!
刪除簡單美食呀！
回覆刪除開party食岩晒呀!
刪除呢個簡單又好味
回覆刪除係勁簡單, 仲要無咩嘢洗!hehe
刪除請我食一件啦！
回覆刪除一件夠唔夠呀?!haha
刪除真係好多人中意食薯仔～呵呵
回覆刪除好好味，係辣咗少少，下次切波浪形可能仲脆皮D(^^♪
辣先正呀!
刪除eee...波浪形又辣咪變咗熱浪!haha
你焗得好過佢喎，樣子真係好鬆！
回覆刪除thanks!!!係堅鬆脆!
刪除好都算係好老婆啦
回覆刪除我只係一個為食嘅老婆啦!hehe
刪除我都鐘意食薯角 ^^ 正~
回覆刪除你老公,好可愛!! ^0^
可愛係因為佢對住個廁所許願??hahaha..
刪除Potato always is nice vegetable to make yummy snack food always indeed.
回覆刪除I love baked potato very very much...do you know "Wendy's"? Singapore still have :)
我都覺我係!就咁食薯仔其實我好少食!但用嚟整小食就會狂食!
刪除我記得wendy's呀!但細個我住嗰區無所以唔係成日食到, 反而hardee's 嘅薯圈我最最最懷念!星球仲有無?
No more lu...Singapore KFC Menu also not nice:(
刪除