自投火海

前post提過, 我將會自己推自己入火海, 呢個火海係真正嘅火海!因為係B‧B‧Q!

話說, 我同我d老表好多年前開始都會農曆新年聚一聚, 因為我係當中第一個結婚有自己竇口, 所以每年都係響我屋企攪嘢。但由舊年開始, 我覺得響我屋企有d悶, 就開始外出搵地方玩喇!

但係今年我新年去咗美國, 返到嚟約, 大家就就就(時間),又要投票去邊食咩, 最後就成6月尾開皮喇, 我地盤古初開約時都仲係有涼意, 頂最後邊個會估到我地出嚟嗰日竟然係全年第二熱嗰日ja!(好似係), 總之自殺式發癲成34度燒嘢食啦!so hot!!

小朋友有小朋友冷氣房玩, 外邊有偽水池比佢地釣假魚..haha

表妹帶埋佢兩個仔嚟, 個細仔得嗰兩歲幾, 勁甩繩馬騮, 追到佢老豆就癲..hahahha

終於有張靜止嘅相..haha

可以一早order佢地d嘢食, 又可以自己帶, 勁多嘢食!妖唔記得落閃光燈影到好似災區!!!

肉我就唔食喇, 梗係主打海鮮..wowow

我d老表真係好勁, 佢地自己帶咗蒜頭同牛油, 嚟到先壓蓉再mix牛油一大袋咁!我見到梗係狗衝咁用嚟燒蒜蓉包, 落咗好多!!嘩香到佢吖!!不過落得太多, 食完個口臭到深圳都聞到, 食左3舊香口膠先好d..hahhahaha

本來大家都話好耐無用叉嚟燒嘢食個個懶有興致咁攬住火爐燒燒燒

但去到後期, 好多都熱到呆咗, 剩返一個表弟一個人用網燒比全世界食, 好偉大呀!!!

大合照唔少得啦!但唔記得問佢地個樣見唔見得人, 矇晒佢啦!

有一刻, 我以為我自己會人體爆炸, 因為連散熱貼都貼到變咗做一塊熱啫哩!風扇都熱晒!hahahha...所以今次如果唔係因為熱, 其實個場地幾正, 夠大又開揚,  大家都話下次天氣涼可以再嚟encore!

我唔會寫呢度係邊度, 廢事我老公又串我同人宣傳, 如果邊個要搵場地又想知可以留email比我話你知!