Oh! Pancake!

雖然我係一個中意食垃圾,又hea又懶既人, 拔!但有時對某d嘢我又會勁執著, 非常堅持。基本上我對自己執著既食物難得地有要求, 就算我sss唔臭都可以放入口, 但對於我堅持ing既食物, 就算人地整到幾美輪美奐, 但只要唔係我心目中既模樣,我都不肖試一口!hahha..因為其實係d好無謂既堅持, 有時目的係想成功整到某樣食物, 而唔係真係好想食..haha..

okok, 當然, 其實我既堅持,執著,不肖...都係base on我既個人喜好, 我既喜好可能對其他人嚟講係垃圾, 所以食物係永遠都唔會有the best^^

例如之前我好想成功整到戚風蛋糕比我一個月後會返香港既阿媽, 又買書又上網, 不停研究, 不停整, 我用左一個月, 每日整兩個唔同味蛋糕...hahaha..咁當然我老公已經食到癲左, 好在我公司麻甩佬多, 但去到後期, 佢地都去到見到蛋糕想嘔既地步...當我成功咗就好似完成左一個工作咁劃上句號, 無乜再整過。

之前仲會食豬肉時, 又係為咗整一碟入口鬆化但又要有咬口又要juicy既豬肉餅, 日日整整整..最後成功左, 過左無耐戒豬肉..haha

好喇, 今次要講既係pancake。pancake唔係一d會成日食既食物, 但我好介意佢唔好味。我中意既pancake係要夠厚, 軟綿綿, 幾時食空口食都唔乾,有蛋香, 無油..hahaha..其實我一路都整唔到亦都食唔到100%滿意pancake,總係爭dd咁, 直至我響美國一間早餐店! 返黎我有上過網同睇過書, 我見到有個方法睇落應該做到我想要既效果, 響幾個相同做法既recipe中我揀左呢個最健康既!

成份 : 
低粉200g
牛奶200g
糖4g(原食譜無, 我用嚟打蛋白時用既)
暖水100g
蛋2隻

其實佢就類似做戚風咁, 唔軟綿綿有鬼, 哎, 點解我無唸過咁整呢, 真係豬><

嘩個篩粉好耐無拎出嚟喇!

分蛋, mix麵糊, 打蛋白,easy job!hehe...

放大個橫切面, 我覺得未夠厚, 同埋可以再軟綿綿d!

我中意就咁用牛油同楓樹糖漿食, 記得我細妹上次響加拿大捧比我支特大楓樹糖漿嗎?haha...

我每日都會飲自家既蒸餾咖啡, 今日呢隻咖啡叫lazy sunday.. hahha...sunday當然要lazy!加一匙chia seed, 好正!(btw, 響美國買既chia seed同香港比, 非常非常平, 我果包1kg, 圍返港幣大約$70!)

dingding完全切合lazy sunday既造型..hahha...我覺得用嚟做埋blue monday造型都得..ahhaha

總括嚟講, 我覺得仲有嘢要改善先可以成為我心目中既perfect, 今次蛋白打得有d over咗, 同埋要再做厚d!下星期再嚟過!hehe...

原食譜 : http://www.beanpanda.com/379/pancake