韓式粉絲

我係一個極少病既人, 但呢d死天氣, 終於連我都輸了!果日出去睇美國隊長, 睇四點幾場, 見到個大太陽都想死, 睇完出嚟成7點, 大家知我個死穴係條頸, 但29度唔係要弱雞到帶頸巾咁灰鞋呀?!我只可以講我之前d 感冒菌未清, 就響坐電單車返去時, 我突然覺得條頸有涼意,ai!仆街, 如果我覺得凍即係冷親ing!!!果然, 一返去就嘔!係, 我次次冷親都只係嘔,好離奇!連出世時飲果啖奶都嘔埋出黎之後以為會好返, 點知捱左兩日一定要死去睇醫生, okok, 感冒菌入腸!經歷左見到/聞到所有食物都想嘔, 見到我老公食野個死樣都反胃既一個星期, 仲竟然返返下工都要返屋企灘屍!!咁中意食野既人竟然唔想食野, 好鬱結啊!!可怕既一星期終於過去喇!好返晒喇!!(七七八八啦!)有d開心既係因為咁我輕左7磅!雖然對我呢種肥嘢嚟講+-7磅都唔會變左樣,但自我感覺良好, 當安慰自己...哈哈, 既然係咁我又要開始食食食啦!!

人世間最慘既事係, 又為食, 又唔想煮, 又唔想出街食, 又無人煮比自己食...唉...

好在, 我花一生時間去令每一件事用最懶既方法完成..hahah...講到好似偉論..講到後面好似有巨浪拍起做背景咁..hahaha...我只係想強調, 懶唔代表廢!廢係咩都唔做, 懶係用最簡單方法去完成一件事!連我個勤力如一頭牛既母親大人都響某d事上請教我一d懶方法!!巨浪再次拍起..好偉論呀!!hahahaha...

有一晚睇雜誌見到韓式粉絲, 喂呀好衰架, 臨訓先睇到!!第2日起身仲係念念不忘, 放工去買料啦, 點知一路買一路淆底, 嘩點解好似好煩咁, 開始想縮沙, 於是放返d野上架, 由頭黎過, 買一d唔洗點處理既餸好過!哈..


蟹捧,魚片, 中華沙律(代替菠菜)!現成!惦!

好憎自己鑊鑊未煮就食左成半包蟹柳!不過已有進步, 以前會突登買多一包用黎偷食...哈哈

我一向中紫菜毒好深, 人地去邊度旅行都係叫人買紫菜做手信...去到邊都食紫菜乜乜乜!hahha...呢個紫菜碎我覺得極極極好味!!但好衰格, 買左兩次就斷左貨, 衰衰衰!

我好鬼憎做批皮既嘢, 所以最麻煩係呢條嘢啦吓!

材料 :

甘荀絲,蛋絲,蟹捧,魚片, 菇,中華沙律,韓國粉絲

汁料 :
醬油,麻油,韓國辣醬,蒜蓉,魚露,糖,水

煎定蛋皮轉頭切絲

爆軟甘荀絲

加埋菇一齊攬炒再加埋除左粉絲麻油外,其他材料兜勻加埋汁料

另一爐頭煮好粉絲過埋凍水, 隔晒水倒晒入頭先兜材料加埋麻油撈勻

上枱時加埋芝麻同紫菜碎,幾簡單!好正呀!!!

溫馨夫提示 : d粉絲記得一定要咬爛d先好吞, 唔係好容易胃痛!!(好明顯因為我食嘢經常狗衝而癩嘢後經驗!!haha...)

我好開心我既懶惰咁出名, 同事送比我既方便醬, 係用唧唧撙, 仲要補多句 : "你咁鬼懶, 匙羹都唔洗用!"
哈哈哈哈, 好多謝你讚我懶呀!