一堆雜記

一到年尾就好happy!!等於星期一就一定係blue monday, 星期五就一定係happy friday一樣!又多假期又聖誕又新曆新年又有氣氛周圍買嘢又有discount!!日日都勁holiday mood!

冬至對我黎講堅係同平時無咩分別, 我剩係覺得街市變得好似垃圾崗咁, 我就費事同人迫喇, 反正我平時中意食西多d,咁就可以唔洗入街市喇!
最後我整左勁濃磨菇意粉+白酒煮露荀+黑松露帶子, 嘩頂今次真係自己都要讚自己, 真係好好味呀(向天咆哮)!!老公仲話要放入home menu, 喂兄弟個menu已經好厚喇喎!

冬至唔係唔食湯丸呀?

去到平安夜, 都知道好多人唔洗返工, 但我要!平時我一出門口就已經會戴上headphone, 係慌死自己唔聾咁開得好大聲,成日入lift見到一個住我樓上既小朋友同佢媽咪, 每次從佢既眼神都知道小妹妹想同我講早晨, 每次都見佢阿媽既口型都係話比佢知我聽緊歌聽唔到佢講野....

今日我如常戴上headphone 出門口, 一入lift就見到佢地, 但歌其實係未play, 我聽到佢同媽咪講, 姐姐係咪又係聽緊歌聽唔到架, 佢媽咪答佢係, 呢個時候我突然望住佢講左句早晨!haha..睇得出佢好開心好驚喜!又話我知佢放緊假, 而家同媽咪去買野, 我又讚下佢個髮夾好靚, 又乖之類..就係咁大家都好開心咁離開部lift, 亦令我心情勁靚, 點知當我見到個小朋友跑返轉頭同我講左句: 姐姐merry christmas!!令平時最怕細路既我心花怒放!響呢個充滿恐怖港孩既年代, 見到一個咁有家教又sweet既小朋友, 真係令人warm足一日!

呢排忙到死咗, 當我響好"the"皮時, 我就會好想飲我老公煲既粟米湯, 我覺得, 唔識煮嘢食既人通常都可以將罐頭玩得出神入化!(究竟我係讚佢定踩緊佢呢?hahahhaha)

今年我既x'mas gift,梗梗梗梗梗係波鞋啦!!老公見我呢個選擇恐懼症既蛋散竟然一眼睇中一對鞋, 但可惜我隻39號死大腳塞唔入38號, 於是老公就同我即刻出左銅鑼灣, 行勻咁多間去搵, 咁已經開始天黑又落雨又盛,連我都想放棄, 但佢個樣又鬼咁積極咁, 攪到我唔係幾好意思收大家皮, 不過最後都比我地搵到39號!YEA!!最後兩條友咩都唔唸, 近近地直衝上希慎food court食食食!!

講開我老公, 唔知大家仲記唔記得佢係姓電, 凡係電字頭既野都係佢最愛!繼早排先大肆裝嵌佢架電單車後, 又有一新竉...係我衰既!至從我送左隻蚊比佢之後, 了起佢既心事, 而家佢日日都航拍航拍航拍航拍, 一架又一架...唉...(左上角隻蚊就係我送既啟蒙機, 買完先見到"適合5歲以上"..hahahahaha)

佢呢d人, 平時用鐵筆都爆唔開佢個咀, 嘩一講到「電」, 佢就好似黃河缺堤咁...喂, 我一聽就會訓...hahah...BUT!!佢有個永遠既好學生,好留心聽書, 永無訓覺!!!就係dingidng同學喇!!睇下佢個專心求知樣!!hahahah...

好喇, 放小息喇, 老師同學都休息下先!但個樣係....

 

係攰到眼盲咁樣!!hahah...

入房人類式坐姿思考課堂中...

今年聖誕收到兩筒靚靚聖誕曲奇, 正正!

最後, 送上最SWEET既一段LOVE actually比大家, 希望大家都有一個又warm又sweet既聖誕!!!Just because it's christmas!^^