假雞胖菇

變態架呢排, 已經成12月,又鬼熱,最恐怖係潮濕!!一潮濕個人就特別攰又容易皮膚敏感, 嗱嗱聲落街執料煲袪濕水!!咁先好d咋!話時話, 我而家仲開緊冷氣, 落一落街上返黎就成個背脊都係汗!住得近海又成日痴痴笠笠, 救命!!

熱屎辣辣又口淡淡好想食d香口同辣嘢, 巢下d物資,惦晒, 就你啦!假雞條!

仲搵到包韓國迷你菇tim!好中意呢種菇因為夠晒細唔洗切.hehe

我一向都中意將食材各自處理好, 先一次過攬炒。先煎香假雞先!

再用蒜蓉爆香d菇

d菇又肥又短, 我覺得好似我對腳...ahhahaha

爆香就倒汁, 我個汁用左 : 

薑蓉,豆瓣醬,蠔油,蔬菜粉,麻油,丁點喼汁,糖,水

假雞回煲, 煮至掛汁就攪惦, 好惹味呀辣辣地!