HAPPY2016!!大家呢個3日假期做左咩呢?我呢就過得非常充實, 玩,食,訓,煮,買咩都齊!
唔知大家有無發覺我未出過曲奇post呢?係係係, 因為我一向唔中意食餅所以又無咩興趣整啦!咁點解我而家又整呢?首先我有個包餅怪老公, 就算我唔整佢都會出去買黎食, 二黎又比我搵到d無牛油既recipe, 三黎因為得閒啦!唉...總之女人唔想做一樣嘢有一千個理由, 但當佢地想做既時侯所有理由都係廢話啦...hahaha
好喇, 我認我長期outdate!!當1年前大家都整緊熊抱抱時, 我1年後先開皮整囉..hahaha...事鬼但啦, 好玩唔怕遲啵!
好喇, 我呢真買左雜nut, 咁唔洗只抱一樣咁齋嘛..hehe
上次去美加買落既楓樹糖漿同農場蜜糖仲有貨, 可以大派用場啦!!
好喇!開工!液體同粉類各自溝勻
之後就mix埋做團放上牛油紙
舖多塊牛油紙上面look成皮
我最期待既畫面呀!!吸模!!好玩!!吸得好慳, 邊都唔放過!
頂d細熊手唔夠長勁難抱, 手短熊!成個過程整到眼盲, 因為不斷整斷佢地d手腳><
慳到邊既邊既邊既邊全部整晒..haha
d邊吸出黎既試下灑d芝士粉
出爐喇出爐喇!好香楓樹糖漿味!!有少少燶, 有關做餅既爐溫同時間仲要調較!芝士味呢就比d楓樹糖漿d香味遮晒, 唔work既!至於我老公梗係尖晒叫一人獨攬晒啦!hehe..
你又中意咩配搭呢?
recipe
give me 5!!我都係慢幾拍嘅人！成日save晒食譜有排唔整~~哈哈XD
回覆刪除你整得都幾靚呀，我之前整過無你咁一致呢~~
我都係呀!電話有勁多食譜, 做極都唔完!HAA
刪除thanks!可能無用牛油唔鬆化所以條邊好似齊d卦, 不過樣衰果d我無影相啦..haha
新年快樂……好耐無黎探你……嘻嘻……
回覆刪除熊仔曲奇好得意，整得好靚，我唔多鐘意玩印模曲奇，我覺得好煩，哈哈！
新年快樂……好耐無黎探你……嘻嘻……
回覆刪除熊仔曲奇好得意，整得好靚，我唔多鐘意玩印模曲奇，我覺得好煩，哈哈！
新年快樂謙盈媽咪!我成日都去你度巡blog偷師架, 不過懶精無留言..hehe
刪除我覺得印模好好玩, 可能我不嬲都中意玩吸印仔, 不過呢款只係我第二款整既餅, 遲d咩都會試下..hehe
你整得幾齊整喎,我好懶,唔整造型!
回覆刪除thanks ee!我都係新屎坑咩都試下先咋!^^
刪除熊仔曲奇整得好靚,我都好耐冇開過焗爐整曲奇呢
回覆刪除點解呢?因為袁生唔中意食?
刪除其實呢款只係我第二款整既餅, 遲d咩都會試下
嘩，D相好有教學feel，其實曲奇同其它餅一樣可以存放耐D，唔會似麵包要好快食晒，好靓同好味，無牛油會硬DD，不過真係唔錯👍👍👍
回覆刪除教咩學, 我都係睇人果d啦!
刪除hehehe...你讚呀?!醒目仔!繼續大把你食!
個模我早前先買, 但都係未做啊, 人地已興完了.
回覆刪除我仲衰, 我係今次突登死去買模..haha
刪除理得佢興唔興, 總之想整就整, 不過你而家成日唔響香港, 無時間就真..haha
下次再整，諗住抱啲乜？
回覆刪除m&m!我見人地抱唔同顏色m&m好得意呀!
刪除乖老婆，整餅俾老公食，駛唔駛整定啲帶比父母食
回覆刪除只係一個中意整,一個中意食啦..ha
刪除唔會lu, 廢事爛晒, 而且佢地最想食一定係芝麻糖!hehe
哈)) 31我都放埋, 4日呀!! 正到爆炸!! ^0^~
回覆刪除我覺得整係自我享受過程, 重要係有人同你接收哂成品, 咁就可以不負責任咁焗焗焗!! YEAH YEAH~
我想像到曲奇有幾香楓糖味啊 !! LIKE~
嘩之前聖誕無放之後放足4日咩仇都報晒啦!!ahhaah
刪除你講得勁岩, 中point!一個中意整,一個中意食, 點整都清倉!hahaha...
Wish you happy 2016 & all your bake dreams come true :)
回覆刪除HI 鎧軒!Happy new year!wish you a great year ahead!^^
刪除有童心的你，做的bear cookies 特別可愛呢。
回覆刪除你咁講攪到我有D唔好意思tim..hehe
刪除自製的熊仔餅好可愛
回覆刪除thanks 程!
刪除Happy New Year!!
回覆刪除D cookie好cute ar，好似妳咁，hehe
HAPPY NEW YEAR!!!
刪除cute似我...hahaha...我形象應該好剛強先岩!hahaha
happy new year! 熊仔餅造成好得意喎! 話時話, 我都好少整COOKIES
回覆刪除happy new year!雖然遲左少少，但都希望你同你家人今年都全年happy!!
刪除其實我都係曲奇初哥..hehe
嘩！好靚！我女友睇完之後話：「會唔會靚到唔捨得食㗎？」
回覆刪除