搬屋

唔係我搬屋, 如果係我搬屋我會癲, 因為而家呢度住左好耐, 如果真係要搬, 我唸執一世都未執得晒d嘢!

要搬既其實係我d花花草草, 呢壇嘢想郁佢好耐!自從養左dingding之後, 除咗貓草之外就咩都無種過, 連花都無插, 點知條死嘢會唔會一個唔該同我食鬼晒, 一係打爛晒, 又唔知會唔會有d植物都佢有害, 唉...咁養佢就預左有d嘢犠牲啦!

咁話說新年時行開ikea, 見到d植物仔滿心歡喜, 唔係特別中意種花, 而係覺得屋企有d植物, 感覺會warm d,於是買咗返屋企將佢地寄居響dingding禁地- 廁所!

經過10個月響屎坑既生活, 除咗前面右邊那位已升咗天之外, 其他都極速快高長大咗好多!!本身個盤已經容納唔到佢地!而d泥睇落都好似有如同虛設既中空既感覺咁..haha..去美國之前已經勁睇佢地唔順眼, 點知返到香港又唔得閒, 終於今日的起心肝攪攪佢。

其實我有時都會留意下有無合心水花盆, 但大部份我都覺得樣衰, ok, 其實唔係樣衰既, 係d好elegant果d, 咪玩啦,優雅高貴無可能襯我囉..haha.. 中意果d個底又無窿, 我唔中意囉!

終於有日放工行$12店, 嘩頂!即刻心心眼呀!!!我搵到我既花盆啦!!又得意又有窿!買齊架撐開工!

買埋最基本既架撑

睇下, 其實佢地1年已經長大左好多

d泥好似中空, 慘不忍睹

好慘呀, 根多泥少

呢盆買返黎時好靚,好似草皮咁, 點知愈生愈多愈密, 好樣衰, 決定將佢地分家!

好粗暴..haha

好滿意!!好可愛!老公攞左深紅色嗰盆返公司放,hehe

呢棵感覺好似頭髮亂了!

靚仔晒!

我承認我第一次整+低智能, 攪左成兩個鐘,而張枱好好似打仗咁...

但滿足感好大!好開心!好享受過程, 亦好滿意成品!