懶到爆焗栗子

開始有d凍啦喎!不過對我呢d咁耐寒既人黎講就夠晒爽啦!
之前響美國, 一早一晚有d凍, 有一日同老豆晨早6:00出去買咖啡, 睇下個電話, 原來得11度, 我又覺得無咩, 都係背心加薄外套, 但我老豆自己就著晒褸咁, 仲勁睇我唔順眼著得咁少, 當時為左應酬佢都係咁二掛多條頸巾響頸既...hahha..所以今日見到有人著羽絨, 我都"鄧"佢地凍!我只係響平時著開既衫加多件背心打底,已經好夠啦!haha..

天氣凍就自然到冬天食物出爐啦!之前見到blog友開始焗栗子,蕃薯呀咁, 我又整下先!不過我係非常懶到爆既版本!你知啦, 我係求鬼其hea爆王嘛!hehe...

其實呢屋企有包韓國栗子, 再唔食就會壞啦!

hea 1 : 求其洗下先

hea 2 :人地就界一刀, 我就用大刀兜頭劈兩刀,一樣ja..haha

hea 3 : 撈油, 無份量, 直接倒入手心, 再撈落栗子, 夠晒勻!

4 : hea 唔hea都係咁做, 包錫紙放入200度焗20分鐘

hea 5 : 準備糖水, 我求其用糖漿溝水咋..haha

hea 6 : 將糖水小心掃落栗子, 好熱架!

hea 7: 將錫紙重新蓋上焗多10分鐘, 熄火留多10分鐘先拎出黎, 食得!

食後感 : 我只可以講係同時間比賽!因為一凍左就好難剝!我地兩條友埋頭苦幹咁剝剝剝,食食食, 鬼迷咁既樣, 但去到最後幾粒我地都放棄了!手指頭會爆架!hahaha..

所以我已經又唸到另一個又懶又快又好剝既方法啦, 等我今個星期試下再報告比大家知先!