【低能仔暴走美加】- 超長!最後一篇大雜薈

好啦, 終於嚟到【低能仔暴走美加】既最後一篇。幾唔想都要走, 都要寫。呢張相係臨走那天清晨的娘家, 我覺得我既離開, 間屋看上去都好似有d落寞..heehee..自作多情..haha..

一開始, 因為細妹在加拿大結婚, 繼而阿媽要我順便返美國娘家而做就呢個旅程。今次係我第一次去美國, 仲要一條友, 仲要係接近911, 話無緊張係假既, 不過憑我聰明既頭腦,甜美既笑容(wakaka..), 不論海關安檢轉機都極順利快捷, 得天保祐!

原來大家一路而嚟都認為我係唔會過去的, 因為如果要去埋美國又要申請visa, 又要攞咁耐假。一向都係家人返香港, 我咁鬼懶都無唸過過去。我係到死線都懶懶閒既人, 見我例牌愛理不理, 老公一句包起我全程洗費令我精神為之一振...哈哈..我都話我係市儈港女咯..就算佢唔講都係佢包架啦..哈!就係咁, 我一條友踏上呢個兩星期既美加旅啦!

其實我係一個好死麻煩既死港女,多多要求咁,好開心一返到去已見到爸媽準備好乾淨整齊香噴噴的房間,老豆仲放左香薰, 和安排好一切, 好幸福好sweet呀!!!

不過呢,我想講呢, 唔夠一日已經變左狗竇..hahaha

今次呢個旅程, 令我呢個低能鄉下仔大開眼界! 頂, 呢個係長期蹲響井低之過!有一日打開銀包, 見到自己有3種地方既紙幣(好窮), 感覺好得意(好無聊)!

又有一日, 望住成個trip既機票, 數下數下, 原來今次成個trip搭左6次飛機, 平時咁鬼深閨, 突然覺得好似發夢咁, 開心既時間真係過得特別快!

去每處地方留下腳毛之餘, 見到紀念幣都會整呢!

好攪笑, 有幾次d人都以為我大妹係我家姐, 嘩, 我大佢足足5年喎!以前大妹會好嬲, 今次我問佢有無嬲, 佢話無, 因為佢明點解。佢話因為我個人太癲, 而佢個人又好穩重喎!而經佢既觀察同專業分析(佢係社工啦), 佢證實我係有輕度活躍症!佢話其實我有晒症狀喎!嘩,幾驚佢話我輕度弱智呀! haha..事實佢真係成日提醒我唔好咁誇張熱情, 係既, 家姐!..haha...佢咁講我更加有理由玩得好癲!!我有病丫嘛..hehe..

去到加拿大細妹屋企, 佢間屋好大好靚, 老公又錫佢, 見到佢嫁得好, 其實十分十分安慰, 細妹既性格同我有d似, 大家細個都反叛過, 見到佢今日有一個對佢咁好既人, 亦比到一個舒適既環境佢, 有一刻感動到想喊, 因為我大佢成8年, 有一刻好似自己個女出嫁感動又不捨既複雜感覺咁。

響離開果日, 我地上晒車走, 我唔敢望佢地兩條友, 因為我係無得救成世都面對唔到生離死別既人, 好怕say bye...但我都要響眾人既嘲笑幾廿歲都唔化之下響架車喊爆...haha

最後果日, 爸媽帶我去平時佢地散步既地方, 本來係好唔夠時間, 因為我真係好想認識多d佢地平時既生活!而呢度真係好靚, 我又想典地呀!!!!

要海有海, 要草地有草地!!天地成一線!

以前我曾經自以為好偉大咁唸, 如果兩個妹都嫁晒, 想叫父母返香港住等我照顧。但呢一刻我不得不叫自己收皮, 首先我唸被照顧的一定係我, 而且香港既環境又點夠呢度好丫, 要佢地返香港, 就得於要佢地去地獄做(我的)奴隸!我真係快d收皮啦!睇下我阿媽, 佢響到住得堅係爽yy!

今個trip其中一樣好開心係我識左好多人, 不過我既性格其實好容易識到人, 我連我阿媽條街街頭最遠個鬼婆都識左..haha..但最開心係識左一班新朋友, 其實係我妹d朋友, 但因為大家都好癲, 所以玩得好開心!我地由加拿大癲到返美國,好期待, 因為佢地有d 5月返香港可以再癲過!hehe...

夜晚大家為我開左一個farewell bbq party,又要麻煩我地既chef nathan..hehe..

返到黎香港, 經常將美國掛響口邊, 老公覺得我因為第一次去樣樣都新奇所以留戀。no!!我留戀唔係一個國家, 我留戀係一家人一齊既時光,  一d大家覺得垂手可得既野, 例如普通到爆一家人食餐飯, 睇套戲, 對我黎講係好難得到。響香港我以為已經習慣無家人既日子,我以為我唔在乎, 經過今次, 原來我仲非常在乎, 可能明知唔係咁容易得到, 所以內心自動將呢份掛念收得好深, 深到自己都以為無左。當然!我承認我係勁感情豐富既人, 早幾日去赤柱, 有一間usa supermarket, 頂,一入到去索到浸味, 完全係美國味, 頂, 個鼻酸到丫!

每次家人返香港, 我就自以為對佢地服侍周到, 但對比大家對我既疼錫, 佢地既付出, 對我既周全照顧,我再次要叫自己收皮!見到我un un 腳等食既一刻嗎?hehe..

每一刻我已深深記在腦海。響呢個【低能仔暴走美加】出賣晒所有人, 無理由收埋自己既..hahha..就比半邊面半隻眼大家睇下我個貓樣啦..hahha..當時打緊邊爐, 睇下我阿媽so cute..haha

總括今次整個旅程, 我好慶幸我無因為hea同懶而錯過左, 我從來未試過每一秒都心情high爆靚爆既感覺, 老公問我而家響香港心情好差咩, 唔係囉, 其實我已經長期係一個快樂小寶寶, 只係響美加期間, 心情過份high, 非常過份地開心..haha..
有時一個人在後園躺著, 個天真係好多好多星, 食埋阿媽種既士多啤梨,好幸福呀!!

幾開心都好, 總有離開既一刻, 我再次一條友踏上回家的路。熱鬧過後的孤獨令人特別失落, 可能有人會覺得要見隨時都見到, 係, 不過唔係每日嘛!惟有希望下次快d來臨!而我亦plan左每年新年都返去同家人一齊過...

• 多謝我老公就算佢因為唔見我兩星期攪到情緒低落都push我去(ha..傻仔嚟架); 
• 好多謝爸媽對我既縱容, 迫我做癱妃,咩都唔洗我幫手做, 處處照顧得非常周到, 雖然我已經三十幾歲, 但我覺得自己好似得3歲..hehe..老豆本來係早睡早起的人, 不過我又攪亂晒lu..hoho
• 好多謝大妹工都唔返每日車出車入, 安排好我每日的行程, 我話去邊就去邊, 去到好多個位都告訴我好多美國人既習慣, 令我盡快溶入生活, 放心啦, 其實我係極易適環境既人, 你是我的好姐姐呢..haha..令我我每日都好開心呀!
• 亦都好多謝大妹bf, 佢係一個生活好有規律既人, 但仍然容忍我呢個癲婆日日嘈嘈閉去打擾佢屋企, 司機,咕哩,煮飯,洗碗咩都包辦晒, 我真係好鬼中意你呀!!
• 跟住係細妹, 咁多年無見, 雖然差唔多每日都有聯絡, 但始終都唔夠面對面好, 好開心那夜深夜傾談, 原來我地都無長大, 笑點仍然好低, 仍然低能, 見到你令我開心咗好耐!
• 最後係新妹夫, 好歡迎你加入我地個大家庭, 可能對你黎講, 我地堅係過份豪邁, 但我知道你盡盡盡力地去適應, 有一天我希望你同我地一齊大笑大喝盡情尖叫!hahaha...

Thank you for all of your loveeeee, 

I will be back very soon..HOHOHO