【低能仔暴走美加】- 死都要出埋篇瀑布 - Niagara Falls

哎呀呀, 我知呀我知呀, 計倒數, 呢個應該係【低能仔暴走美加】既最後一篇, 不過唔係呀...hhahha...比我出埋呢個啦先出最後一篇啦!唔捨得完呀..hahha..雖然大家可能已經比我悶左好耐, 忍耐多陣啦!因為我覺得雖然好多人都去過, 但係我覺得好想寫低埋><

果日係我地響多倫多既last day, 一早我地一家一行7人浩浩蕩蕩傻傻更更咁黎到, 落左車行過去既途中會經過一處地方, 容許我再次hea爆, 我唔記得呢忽位叫咩名...haha, 總之就必經之路啦!成條街d建築物都好荷李活電影feel, 係影相好地方!

一睇就知呢個係king kong!

detail位都好迫真

頂,呢條死嘢堅係識叫識郁, 嚇得我丫!

見過咁過癮既burger king未?!haha..

天荒地老, 榴槤在摩天倫..haha

唔洗我介紹,不過我覺我唔太似johnny depp..成個場景都會郁

呢個都會郁會叫又迫真, 好鬼恐怖條頸咁長, 隔離坐響度條友都係假人..hahha

我地響呢間反轉屋影左好多相,我估!佢係沖天救兵(Up)老人家間屋?

呢條街都行左幾耐下架, 就沿路行去Niagara Falls

爸媽同新妹夫因為已去過所以留響岸周圍行,於是我加大細妹同埋chef nathan 4條友就上船近距離睇瀑布啦!

你以為佢好靚?係...不過我又覺得佢好烏糟啦!睇下近上船位幾多老泥..hahaha..好似係d礦物質之類既野喎..好多雀仔響側邊, 應該係有益嘢黎既..

一點點白色就係雀仔, 好攪笑, 隨浪飄!

嚟料啦嚟料啦!

嘩頂, 原來齋睇相就係唔知咁澎湃!!見到瀑布側面未有d欄杆既, 果邊係美國, 可以行落黎距離睇!

痴孖根, come on!瘋狂尖叫!

好, u turn!

又嚟多鑊

比返個遠景大家睇!

嗚嗚嗚...講完啦..下篇係最後啦...嗚嗚嗚..