我的低能生活

其實我係一個發夢皇,又好鬼唔專心,  做野又無咩條理, 唸起咩就做咩, 我老公成日叫我"哩啡鬼", 所以其實我生活中經常發生做咗低能嘢。

1.我中意用又大又"the"好頹廢feel既手袋, 通常裡面除咗正常嘢之外重會有好多垃圾, 因為有時搵唔到垃圾桶都會放入袋先, 我見過老公都將佢d糖紙掉入我袋(hahah..), 所以重係正常, 有排發覺重得異常, 倒晒d垃圾出黎發現公司部超重型膠紙座響裡面>.<


2. 同上面同一道理, 唔見咗屋企個電視遙控好耐, 有日倒開手袋垃圾, 見到原來自己日日隨身攜帶..haha

3. 有日星期六搭van仔返工, 可能返半日心情好靚,又見早左出門口, 唸住食個重型早餐, 就響掙扎食咩早餐時, 驚見要叫落車, 即刻大叫 : 豬腸粉有落~~~~, 司機即刻響倒後鏡望住我大笑, 開門時話可以去買豬腸粉lu>.<

4. 我放工通常會搭駁船返屋企, 即係2分鐘船程循環過對面岸嗰d, 我習慣響街都一定會塞headphone聽歌, 有日收工等船, 一路聽歌一路掙扎緊煮飯唔煮飯,離遠見到隻船, 突然好似截的士咁狂伸手fing, 個船家平時見慣見熟, 用表情問我做咩, 我仲未醒咁, 繼續fing仲點頭, 點知知道衰咗, 唔敢望後面條人龍, 成程船面壁唔敢望人>.<

5. 我老公超乞人憎,次次行街如果分開咗行而我又突然要搵佢, 離遠望住叫佢, 佢一定扮聽唔到!!!等我好似傻婆咁!!有次又係咁, 因為我老公生得好鬼高, 成6呎幾, 所以次次見到有個鶴立雞群既人唔洗唸一定係佢, 條死嘢又係扮聽唔到我叫佢, 今次決定唔忍佢, 愈叫愈大聲, 一路行埋去一路大叫,行到佢隔離近乎咆哮,心唸睇下邊個樣衰, 個個都知我叫你唔應我!點知..佢好驚訝咁擰過嚟, E!!!!邊個嚟!!認.錯.人!!!!!!!!!轉頭真係搵到條死嘢剷到佢上天花板, 唉, 又有咩用丫, 我已經瘀到貼地...

6. 我經常發白日夢, 又經常唸起d攪笑嘢, 有次搭van仔又唸起d百痴嘢, 為免其他人以為我係癲婆, 我"練"實個鼻哥,掩住個口低頭狂笑, 點知愈笑愈好笑停唔到, 笑到標晒眼淚, 我唔知自己有無唔小心"漏"咗d聲出嚟,但點知隔離位女士遞咗包紙巾比我, 肯定以為我失戀喊!我唔敢同佢講其實我笑緊, 佢一定會以為我係癲..hahaha

7. 話說岩岩同老公拍拖時, 有次我早到, 見到反光嘢順手照下整理下d頭髮, 又練習下盡量擠一個自認為最sweet既笑容出嚟一陣迎接佢, 擠極都係只得樣衰, 完全唔sweet, 就響我整怪樣嘅時候, 我發現原來照緊嗰塊係餐廳既落地茶色玻璃!!裡面d人笑到呢...唉

打住咁多先, 有機會再分享我d低能嘢比大家, 其實我日日都會發生低能嘢架...haha