喂, 痴鬼線架!又熱又濕, 只係放工落車行返屋企5分鐘路程都標晒油標晒汗!其實有時我都唔想做冷氣狗,我都試過唔開冷氣開窗, 但係人地開冷氣d熱氣攪到吹入嚟都係熱風, 真係唔得佢死, 想為環保出一分力都唔得!
好啦!見到張相係咪攪到好熱辣辣呢!哈哈...有一晚放假凌晨睇電視, 睇到一個韓國綜藝節目, 總之就係造訪一d資深女藝人, 去佢地屋企食一餐, 嘩佢地d廚房真係令人嘆為觀止, 每個最少有3個大雪櫃, 仲會響花園埋下一盅盅醃醬, 雪櫃大部份都係醃物, 嘩睇住佢地食, 我即刻爆口水!!好難捱先訓到覺!
第二日即死去買料, 唉..去到超市諗諗下個人即刻謝晒皮囉!因為人地嗰d係自己做既醃醬, 大部份都係用醃左最少幾十年既大醬黎做base, 我又點會買到呢d自家醬丫, 唉...但食韓嘢既慾望太大, 唉粗粗地買d現成嘢返去整山寨版, 個樣出黎有d似部隊鍋, 不過我的就無咁heavy既!
個湯底我就係用呢隻辣椒醬同埋麵豉醬, 份量係3:1, 加d醬油同糖, 頂d味精湯好鬼好飲添!雖然佢扮晒無添加, 但我唔信無增味劑囉!不過飲完又無口渴既!睇落好似好辣, 其實連我老公唔食得辣都勉強食到..哈哈
我響百佳買, 係成個櫃唯一一款堅係韓國製造, 其他都係大陸製扮韓國貸, 呢兜泡菜令湯底香好多!
記得要買韓國年糕, 唔好買左上海...哈哈..先煮開過冷河仲走d粉先
醬料落埋泡菜,滾一會兒,加晒自己喜歡的材料, 我就落左芝士腸,青瓜餃, 魚蛋(hehe..), 最後落埋金菇, 年糕回煲, 滾起就食得!
頂!邊煮個口d口水勁分泌,30分鐘就食得, 又惹味, 開住冷氣慢慢嘆, 爽爽爽..嗚!
你個山寨版好得喎~~而且一鍋熟啱我哩D懶人，嘻嘻XD
回覆刪除我都好鬼中意一鑊熟, 跟住成煲拎出黎食, 又方便又唔洗洗咁多野, 哈哈
刪除韓式年糕真係未試過，這款是否會好辣？
回覆刪除係辣, 不過唔算勁辣既, 年糕好正, 如果你中意食煙煙 un un就一定中意!
刪除辣辣味...Mary你有無食到個咀紅晒呢 ?！哈哈！^^
回覆刪除咀紅晒, 你又係講得咁sexy!!哈哈...放響我呢d粗魯鬼身上唔match, 應該形容為辣到流晒鼻水..哈哈
刪除哇..好鬼正BOR!!! 依D天氣食辣野好~ 最衰, D醬咁死大樽, 我又唔係成日整, 好難清...
回覆刪除只可以齋睇!! 妖~
超, 我都無次食得晒, 我都唔明點解唔出細pack裝, 其實我次次都會剩返一半就過晒期掉鬼左佢!
刪除電視節目好大影響力呀！我有時都係咁，見到睇到就要食到！
回覆刪除係呀係呀!掉返轉比到靈感我煮咩食, 你知唸煮咩晚餐幾難唸架啦!
刪除嘩!正丫!
回覆刪除妳食得辣架咩?
辣野岩晒你啦!
刪除我食得辣架, 細個時一樽桂林辣椒醬, 一個人分3次就食晒!
我見人地D泡菜浸咗三五七年，D味一定有唔同呢，妳又試吓浸耐D泡菜睇吓味道有咩唔同吖。。。
回覆刪除泡菜又唔洗357年咁耐, 你講既應該係醬,我就唔會浸啦, 我咁懶, 同埋我唔想等咁耐先有得食囉..haha
刪除我最鍾意煙煙韌韌的韓國年糕呀。
回覆刪除我都係呀, 好中意食煙煙un un既野食!
刪除你買韓國嗰隻青瓜餃？好食，不過有肉架wor你食得咩？
回覆刪除Le D一鑊熟嘅嘢啱我！正！
我都好鬼中意一鑊熟, 跟住成煲拎出黎食, 又方便又唔洗洗咁多野...hehe
刪除係嗰隻青瓜餃, 其實我未係100%食素, 仲係遂d咁戒緊, , 比如豬肉, 可能一年食幾次, 牛就100%唔食咁。