鮮淮山紫菜煎蝦餅

有日搭小巴, 車上有兩個80歲以上嘅老爺爺高談闊論,突然其中一個大喝一聲, 我嚇到成個彈起, 我相信成架車都好多人彈起...hahaha...原來佢向佢地剛上車嘅同樣係爺爺級朋友打招呼!  

沿路3人之聲浪在狹小的空間顯得地動山搖,佢地大講大笑, 我戴headphone聽緊歌都聽到佢地! 其實大聲到咁誇張我都幾肯定因為佢地有d撞聾! 我要響佢地說話與說話之間嗰幾秒空檔搶叫司機落車........

其實我想講的是這幾位老爺爺不但唔討厭,仲好可愛!你話佢地係咪好嘈呢? 但人生在世, 去到成80歲都仲可以有能力嘈爆你, 你估人人都有呢個能力架, 佢地講兩句又大笑....係咪我係怪人呢, 攪到我都覺得好想一齊笑咁,  更令我想起,我好希望我的父母到了他們這個年紀仍可活力充沛, 氣如洪鐘, 嘈爆我地!!

好喇，食食食喇，有日響超市見到批好皮嘅鮮淮山買，哇好偉大邊個唸到咁樣賣，啱晒手殘如我!

本來想就咁用醬油煎就咁當小食，唸起屋企有d 急凍蝦滑，就不如煎餅做餸!戴手套切粒粒先，eeee...好潺啊！

蝦滑簡單調味，加埋一隻蛋兩湯匙麥皮同埋d 淮山粒撈埋。

撈好放冰箱雪5～10分鐘會好煎d.哇呢隻特濃雞蛋好變態，好深色!

煎時嬸d 紫菜碎上面，我試咗一塊撈埋煎係無味囉！所以煎時嬸埋響面!

兩面煎香就攪掂lu!!但下次會用普通蛋去撈，因為搶咗dd 蝦味囉！😑😑但都好好味嘅!😏

中間嗰堆係比我煎散咗嘅殘骸🤣🤣

好喇，上post 咪講我呢排發姣發凳響屋企擺花嘅，我決定將呢份發姣發凳發揚光大，以後(盡量)一post一花同大家開心sharing.
ok,今次係桔梗加尤加利葉，呢個組合響屋企出現咗幾次，因為桔梗靚，尤加利葉香。