網頁

24.4.19

豉汁炆麵輪



有時都幾羨慕我大妹, 因為我地3條女, 得佢同阿爸阿媽係住美國, 加埋阿媽而家又同佢full time湊仔, 佢地唔一齊住但生活都係緊扣嘅。

我同細妹如果想食咩做咩需要幫手嗰d, 其實已經習慣自己唸自己解決,好自然不過。但有日響whatsapp見到大妹唔知話想食咩, 嘩頂阿媽即刻去整喇!

當然當然, 如果我地響父母身邊, 我地都會得到相同待遇嘅!
當然當然, 我知道有收入就有付出, 掉返轉父母有咩需要, 第一時間都係靠大妹去侍候嘅!

當然當然,自從d孫s出咗世, 我地3條女無分大細都係微塵一族..ahha...我地有日突然有感而發, 我地都好耐好耐無聽過父母叫我地個名喇, 就嚟叫都唔識應喇, 因為佢地兩個都患咗「祖父母症候群」, 佢地眼中只見到d孫咋...hahhahahha

ok, 我唔知點解好想發呢段嗡風, 好喇講下食先!
大家去台灣有無食過麵輪?即係類似嗰d腐皮定麵筋卷到勁實攞去炸嗰d, 以我所知響台灣都係檔口仔呀街市就有得賣。其實我真係唔覺香港有, anyway, 我食過一次就覺得超正, 雖則佢都係好似麵筋豆腐卜索味嗰類嘢, 但佢唔同在有浸炸過嘅香味, 同埋可能因為有好多層, 所以口感煙煙un un 咁好正。

咁同事知我中意食, 去台灣旅行勁好人買咗袋比我!超開心啊!
咁雪櫃仲有兜切咗用剩嘅蒜蓉豆豉, 就用佢嚟炆啦!

d麵輪脫晒水,好輕但極硬, 第一次整唔知, 唸住浸佢一個鐘咩都夠, 點知無事發生過一樣..hahha..

咁之後就知喇, 必須浸通頂, 我通常夜晚浸定, 第二日放工先整, over 12個鐘。
同埋因為佢輕到浮上水, 通常d人都係搵另一個碗責住, 但我唔想攪到周圍水, 我用密實袋浸,完全浸滿水等佢無位走再放入雪櫃。因為佢本身用油炸過,煮時用熱水拖水, 渣乾再揼凍水。

炆嘢最中意加埋白蘿蔔。 切條加粒冰糖,醬油,海帶煲淋佢

好喇, 材料係得咁多, 有白蘿蔔,麵輪(剪開一半),魚片,食剩嘅粉絲, 煎香咗嘅墨魚餅。

之後就好簡單喇, 爆香蒜蓉豆豉,倒汁(蠔油,生抽老抽,糖,水)倒料,炆到索晒味食得!

啖啖都有汁,好好餸飯啊!如果去台灣見到買返嚟試下!如果見過香港邊度有得買, 話我知話我知!!!

15 則留言:

  1. 我未食過呀!

    回覆刪除
    回覆
    1. 下次去台灣試下,好正!

      刪除
  2. 未食過,係台灣邊度有得食

    回覆刪除
    回覆
    1. 食就唔知, 不過應該都係d家常小菜, 買我就知響d街市檔口仔買

      刪除
  3. 我未食過麵輪。 我阿E就係人版喇。 咩都係阿孫阿孫,我哋已經叫佢唔郁出街shopping,飲茶喇。

    回覆刪除
    回覆
    1. 叫唔郁出街tim ar!?hahah...我爸媽一星期見6日都唔夠咁!

      刪除
  4. 我係微塵中的空氣,仲無人留意,但無空氣就實(屎)。🤪🤪🤪
    麪輪正呀,好味,下次要多一倍😋😋😋😋😋😋😋😋

    回覆刪除
    回覆
    1. 我係微塵中的空氣?廢氣呀!haha...
      多一倍?!?!已所剩無幾, 要慳d食!!

      刪除
  5. 你一定係對同事好, 同事先會咁對你既!!

    回覆刪除
    回覆
    1. haha...一日對咁多個鐘, 已經唔係好唔好, 係習慣..haha

      刪除
  6. 你同事好好,記得你嘅喜好仲幫你買^^
    你媽媽其實幾錫你地呀,我媽媽唔係唔錫,但之前我感冒請病假,我媽都只係叫我唔駛煮飯,有需要去買粥食,最後我諗住等阿爸返嚟叫佢煮開麵整埋俾我食,結果係……佢話食麵但我煮……

    回覆刪除
    回覆
    1. 咁你有無嬲先, 我估你都無嘅, 因為我睇到你句'佢話食麵但我煮'笑死我, 因為我老豆都會咁!!haha

      刪除
    2. 都有少少嬲架,但又死咗去煮……係咪D老豆個個都係咁架~~

      刪除

LinkWithin

Related Posts Plugin for WordPress, Blogger...