聖誕, 聖誕, 聖聖誕!

Merry Christmas & Happy New Year!!!我效率實在太低啦!我見好多blog友在平安夜當晚已經出左聖誕post, 我這個懶人到今時今日先出,為免我的元旦post又遲出, 現在就要同大家講定新年快樂...哈哈

想起剛拍拖時, 大時大節都係情侶灑金錢的時候, 我們都會去食下聖誕大餐咁, 時至今天身為老夫老妻, 又點會有餐廳有本事可以響我身上賺到一分錢丫..哈哈...聖誕大餐?梗係自己煮啦!

因為工作關係已經有好多年無同老公一齊過聖誕, 所以今年捨棄熱鬧, 倆口子一同去行街買送返去煮飯仔仲開心^.^

前菜1 - 蜜糖白酒煮青蘋果墊底, 加上香草帆立貝

(勁buy個青蘋果,酸酸甜甜,開胃前菜!)

前菜2 - 白酒煮青口

主菜 - 波菜蟹肉芝士釀磨菇伴煎三文魚

(老公好愛個釀磨菇 , 葉用黎釀, 莖用黎伴碟, 一菜兩食^^)

  湯 - 甘荀蕃茄濃湯

(攪碎晒d甘荀同蕃茄,無心插柳下用食完青口既湯汁做base,加少許脫脂奶煲完隔渣, 甜到老公以為我加左糖, 真係超鮮甜好飲 !!!)

飯後甜品 - 聖誕蛋糕+玉桂朱古力

食飽飽,沖埋涼, 坐低一齊睇套戲, 快手整左一個薑味肉桂黑糖提子蛋糕,再煲左肉桂朱古力, 滿屋子充滿肉桂香, 一個溫暖的聖誕夜, 好sweet(肥)呀!哈哈...