淮山粟米紫菜煎餅

好熱啊!夏天終於嚟喇!又係我閉關時候!

之前咪話我新年前因為細菌感染食咗20日抗生素攪到成個人虧到衝出宇宙嘅, 雖則我已完完全全好返晒, 但有兩樣嘢係食屎食著豆, 我已經唔再係黑洞...同埋我已經唔係冷氣狗...咁我覺得係好事嚟嘅, 反正兩樣都唔係好事!

拔!我仍然會閉關lor!haha...

響屋企無嘢做, 除咗用食鴉片姿勢攤屍之外,都係整嘢食食食!
星期5 happy friday自high整咗pizza,即焗即食好正!

當然, 即焗即食後果就係好很熱氣!hahaha...又見咁潮濕, 於是又煲咗甜嘅老黃瓜粟米全體,好飲啊!

早排上網睇到素媽媽用淮山煎餅, 好得意,好好玩咁於是試下玩下!只係買到呢隻淮山, 其實我想買日本嗰隻囉...

記得記得戴手套,如果唔係會敏感!先批皮, 跟住其實應該磨嘅...但係我覺得用刨都一樣, 用右邊細粒磨蓉嗰邊嚟磨.

兩look嘢加埋就係整咗咁大pat ja!

跟住加糖,鹽,可以重手少少,跟住加自己中意嘅材料,我就係紫菜,粟米, 甚至可以唔加嘢只加糖鹽都得隨你中意.

其實我之前已經細細pat咁煎過, 唔難嘅...如果你唔介意外觀..haha

如果你想煎得又圓又靚, 一字記之曰:跣

撈好配料同調味後響個碟度用叉盡量將佢抹開, 然後要成塊跌入鑊。

佢唔係好食油嘅, 用中大火煎, 煎完又係跣落碟!雖然都唔係好靚, 事鬼但啦自己食!好玩之處係, 竟然磨出嚟一篤痰狀嘅嘢,又唔洗加粉或任何凝固嘅嘢都可以變做一塊餅,好得意啊!!

其實好快整好, 只係磨+煎。即磨即煎即食!好玩!好香脆, 味道好似薄撐!

一post一花 :

我星期六去買花, 貴咗喎!老闆話母親節嘛!係喎!!我完全無意識囉!

我媽距離我10萬9000公里遠, 但我地差唔多每日都有聯絡, 每個weekend又會講成粒鐘電話, 對我嚟講我每日都有家人圍繞住。

雖然我幾廿歲先懂性, 但由我懂性以嚟, 即使我同阿爸阿媽講嘢都係好似同朋友講嘢咁串77,但我對父母,都有住感恩之心。我有一個超反叛嘅少年時期, 雖則我無後悔, 但長大後都知道父母付出一定比子女多。

頂,算吧啦,突然講埋d咁7嘅嘢自己都想嘔...hahhaha..

其實我地做咩, 阿媽都開心嘅, 因為只要我地過得幸福, 就係對父母最好嘅禮物.......妖...好娘....hahhaha