Hea Day

呢兩日，我唸大部份香港人，對住一個咁嘅正苦，已經由熱血，憤怒，無力，咩都齊!就睇下星期三有無奇蹟，唉點解香港會變成咁。

呢個端午節，太熱，都係毒在家。今年好hea好求其咁響某大麵包舖買咗兩隻糉當應下節，，嘩難食到食剩，基本上我通常好少浪費食物，可以令我都食得剩，真係難食到頂點!!!

第二朝比d龍舟聲嘈聲，屋企個窗睇到龍舟....所以已經好厭😂😂望都無咩望...haha...一起身就去煲個青紅蘿蔔粟米佛手瓜湯，啱晒呢d天氣飲!

好似好耐無post dingding. dingding今個星期六正式踏入12歲了。thanks god 身體健康大大隻隻咁。佢呀，好識嘆，好中意睇Tom & Jerry 🤣🤣,咁間唔中比佢睇幾個字啦，太耐就唔得喇!

佢係好專心㗎，見到佢對眼跟住左右左右咁郁㗎!

睇到(佢覺得)緊張處，會好肉緊想一齊捉咁..hah

睇到攰就行開，表示我可以收機，轉頭入房見到佢好chill咁仰望未來😂...hmmm...奴才告退唔打擾了🤣

轉頭再入去睇下佢，已經同張床溶為一體..haha

晏d 叫醒佢唸住一齊下午茶，hahaha...
完全瞓到沉晒咁..hahhaa

食完下午茶轉個位置又瞓，好圓啊！

雖則已經榮升為阿毛，但阿毛仲好有火，我只係用個玩具fing咗佢一下，咬到玩具都變形!
我曾經聽過一個故事，有隻貓成日都好中意又咬又爪奴才，奴才每次都勁嬲，有一日，呢隻貓已經好老好病喇，就算奴才點撩佢甚至將隻手指放佢咀邊佢都無力再爪佢咬佢喇☹️
所以當主子仲會恨恨咁咬奴才時，代表佢依然有氣有力有火氣，所以我已被訓練成，被貓咬都無縮嘅意識😑,完全好似無事發生緊咁😑攪到dingding無癮再咬我囉！oooo...nono...咬我啦咬我啦！

轉頭我都要落街買料準備晚餐了，嘩頂曬到爆炸，返嚟飲返杯凍夏枯草，呢d涼茶夏天一定要常備!

咁鬼熱，真係唔想食熱嘢，好耐無包壽司了，咁多時間一於包壽司，起個壇先!

哇我又要講喇🔉我老公好很大食!
包咗十幾碌，應該有成4,5層，但勉強最高峰時都係得兩層!🤣🤣🤣好飽啊！真係好hea的一天!

一post一花：

好青啊呢隻青桔梗，好似菜啊！紅色係十字花。成樽嘢個樣好怪。但天氣咁熱，d 花插得好短日子就開到謝，但呢個青桔梗插到成個星期，好襟啊！青唔係因為佢生，真係佢顏色嚟㗎!

有好多支幹花仔，驚佢吸唔到水，索性剪出嚟插入小樽仔，好cute.