其實呢我由細到大都好憎食菜,當然有幾樣我都會食嘅。細個時阿媽為咗要我食菜無所不用其極, 軟硬兼施, 不過我媽通常都係用硬嘅..haha...通常食完飯正想逃走時阿媽都會夾一碗菜比我, 一定要我食晒先可以離開, 我係會磨爛蓆食一世都未食完, 食到所有人食晒飯收埋枱我仲係連人帶凳坐響原位廳中間捱嗰碗菜, 最後可能用水灌之類...好煩!
到而家大個咗, 仍然好憎食菜, 咁而家唔係細路喇唔可以真係零蔬菜啦, 我盡量會食嗰幾種好淋嗰d菜例如菠菜嗰d,但我都會習慣成餐飯都唔食, 食晒飯先夾一碗嚟食，呢d咪童年陰影囉..hahhaa...但相對嚟講, 我就成日都會食瓜類同埋生果喇!
之前咪話我無意中識咗個有機農場直送嘅, 咁係whatsapp落order嘅, 所以響order時都會同個場主夾雜一兩句吹水嘅。咁每次我都無order菜, 佢都會問, 我都係求其搵個藉口吹過就算, 問題係,問多幾次之後如果佢再問,然後我先突然講其實我最憎食菜會唔會好離奇呢?!
order咗d橙心蕃薯, 就咁洗洗佢蒸嚟食, 甜到爆,好軟糯啊!
話說之前order過佢一次節瓜, 咁都偏大個少少, 咁之前響美國食過好大嘅節瓜好甜嘅, 所以我問個場主佢有無, 佢又有喎!
不過又無阿媽嗰d咁大, 媽嗰d通常都係d親戚朋友種嘅。不過而家呢個size夠喇!!hahha...
咁2/3我用嚟煲節瓜咸蛋乾瑤柱湯, 1/3就用咗嚟整節瓜蛋餅啦!
刨絲
跟住盡量揸乾佢, d汁留番, 都幾多!
我加咗d蟹柳, 呢個份量我用咗兩隻蛋, 大約80-100g麵粉(大約啦), 調味用咗黑椒,蔬菜粉, 糖。
撈勻佢, 乾就加節瓜汁, 加到大約咁
煎塊微型出嚟試一試味先, 有咩e郁都仲可以加加減減嘛!
攪惦, 係煎得有d粗糙嘅, 但真係好好味啊!一d都唔怪, 因為一滴水都無加過, 好甜瓜味啊!我老公話感覺似大阪燒喎!
一post一花：
有時d花如果條主幹朵花謝咗，隔離支幹都好難吸到水，我通常剪晒佢落嚟插落一個小樽仔，佢又會企返直晒，仲開得好靚，放到好幾日呢！
離遠睇就知真係好細樽，但好cute😍
我前院都有呢隻節瓜，真係比街市買果啲甜。
回覆刪除係甜d濃d,可惜唔可以就咁去街市就買到
刪除我有時都會整節瓜蛋餅，因袁生喜愛節瓜，不過就冇用蟹柳，會加蝦米呢
回覆刪除我唔食蝦米，通常都用蝦或者蟹柳
刪除好正呀, 你D菜我都中意呀, 搵日又試下個湯先
回覆刪除thanksssss!!
刪除夏天d瓜真係點整都好食!
我鍾意食煎蛋
回覆刪除我都係!😽
刪除次次扎花都好靚，好搶 鏡。
回覆刪除不過呢排香港太熱好快就謝☹️
刪除個節瓜好似戰前炸彈咁大個，今次好似大板燒感覺，如上面有木魚碎就完美，超好味，整多幾次都唔會悶😋😋😋
回覆刪除低能戰前炸彈🤣🤣🤣🤣
刪除你咁讚，我一定會再整嘅😍
我又冇好似你咁, 唔肯食菜, 我咩都食.
回覆刪除我勁like食蕃薯,見到你張相,今晚dinner想咬返個
我出咗新blog@ youtube
https://youtu.be/Y5XPY7BSeeo
支持下
我有睇啊！你好勁呀咁有決心去跑!仲有電台訪問，加油!
刪除無試過咁整呢，好正咁！
回覆刪除估唔到原來樽花係細細樽，好可愛呀^^
有時我都覺得細細樽嗰d仲靚，可惜而家天氣太熱，放唔長!
刪除