剛過去嘅中秋, 一向我地都會食完飯落街湊下熱鬧, 但今年太熱喇!!廢事成身大汗咁, 點知原來新屋呢度係睇到舞火龍, 雖然唔係勁清楚, 但都係小驚喜!
至於做節, 我其實我又無咩呢個意識, 係咪都係兩條友食, 而且又唔想出去同人迫, 都係響屋企食舒服。嗰晚整咗薯仔沙律+通粉沙律+焗大啡菇, 好多澱粉..haha
用咗鬼嫁食譜焗大啡菇, 喂呀, 好好味呀, 早知買兩pack菇啦!又簡單喎!!
今年中秋真係好死多月餅, d流心奶黃係咁2食過一角就算, 真係我會令我用quota嘅就只有大同!同埋每年我老公都會買一小個大班綠豆蓉比我一人獨享嘅..hehe..
今年焙烘同事送咗一盒自家製月餅, 4個都唔同味!
一打開, 因為係細細個, 同埋因為唔太甜又唔漏, 我地兩條焚化爐一口氣焚燒晒=.=
嗱雖則我好懶出post但係我有煮嘢架!不過當然以快為主啦!
冷麵+煎餃+日式沙律呢個組合都係我地夏天成日食嘅!
有一日發夢食xo醬炒腸粉, 即晚整!我自己差唔多食晒成兜!!因為我老公見我食到飢民咁, 都弱弱的彈開無同我爭..hahha
有一日見有生花生買, 咁我老公好中意食烚花生, 點知我誤會咗阿媽講嘅鹽份量, 變咗腎病花生=.=唗晒!!
講完食又講第樣,我零耐性但好怪雞偏偏我呢又好中意砌嘢嘅, 得閑就會搵嘢砌, 呢個真係好想share, 因為真係覺得好靚!!!登登!!就係會轉會發光嘅摩天輪!我砌架!
仲有仲有, 用咗不足24小時砌好嘅1000塊puzzle...巧靚!
好喇,又講下dingding先!
佢係同我一樣, 係肥咗嘅...因為
成日死蛇爛鱔
響床玩
玩到瞓
底炒盡顯雙下巴
識影緊係高炒, v晒臉(去去...眼屎走)
hmmm....
打風嗰日座樓有搖, 我見FB d 貓貓狗狗都嚇親, ding姐呢?當我地大叫時, 佢就整個我地嘈醒佢嘅樣比我地睇><
你做咩要嘈醒人地吖!
嗱!我又要瞓喇, 靜d呀!!
跟住呢幾個星期都會好熱鬧, 因為爸媽返香港了!!
佢地唸住反正我年年都過去, 所以已經好幾年無返。但因為我媽就快要full time湊孫, 佢覺得佢唔會再有機會(時間)返香港, 所以趁阿妹仲放緊產假就同老豆返嚟!到時又有好嘢食喇!!yea!
薯仔沙律，沙律通粉，大啡菇，煎餃，xo醬腸粉我統統都鐘意食呀，我都覺得今年好似好快過，好快又一年，咁最後腎病花生如何處置呀，掉晒佢呀🙂，ding ding真係好似肥左ddd喎
回覆刪除今回最特別就係砌puzzle，好快就砌好了，妳好利害，不過太快了，應慢慢享受過程，大啡茹好味呀，好重菇味，正
回覆刪除你居然砌puzzle，仲話自己冇耐性。
回覆刪除ding ding俾你地嘈醒果樣真係好無奈。
我都好喜歡食花生，就咁淡淡的都好食。
我都係無耐性砌 puzzle，少少地的都OK。
回覆刪除我又係好鍾意砌pizzle，往年公司中秋有盒月餅派，但怕肥唔敢食，今年無人送月餅，又想食喎，真係賤
回覆刪除24小時1000塊, 真係勁呀, 好羨慕
回覆刪除同事送嘅自家製月餅好可愛呀，咁快清晒一定好好味！
回覆刪除我都想食大啡菇同XO醬腸粉呀，忙完搵日整先:P
嘩~~今次到爸媽返HK，佢地應該都好開心，可以搵下舊朋友同食多D中式同港式嘢~~