大家好!

大家好呀, 你們好嗎?

等我講下近況同埋咩究勁潛水先!


唔知大家記唔記得, 新年前我咪so sad咁話我公司結業, 但咁啱我又要返娘家, 所以時間好似停頓咗咁嘅!

其實我一世都係一個好得天眷顧嘅人, 雖然好大打擊, 同埋都知自己要重新搵一份新工, 要識過新人新工作, 可能對於一般人對未來都會恐懼同不安擔心, 但我一向唔中意plan任何嘢, 亦唔會唸太多, 反而我對未來都幾興奮期待(未搵工已經幻想新公司全部都係靚仔..hahhaahaha), 總之就等個天去安排啦!嗱, 我唔係教徒, 不過我相信懶人有懶福!

而結局就係靚仔就無啦!hahah..話說我老細最後突然決定唔結業而變成將成間公司轉營, 而我, 就係留響度的兩個員工中嘅其中一個!對我嚟講, 呢個係happy ending, 亦係happy beining!

而工作係濃縮咗,  唔算勁忙, 但一定比以前充實好多!由最初嘅適應期, 有d嘢要build up, 包括自己嘅心態, 到而家都開始穩定落嚟喇, 我亦要回歸我平時嘅生活喇, 亦要勤力d對待我個blog喇..haha

講完自己, 緊係要講下dingding大人^^, 咁我都成日同佢影相, 不過無咩時間post上嚟, 而家一次過比大家睇下佢個貓樣同近況..hehe

呢排多咗時間響屋企, 反而dingding比以前痴身, 我只係落下街買嘢, 都要比佢脅持銀包, 個樣仲要係"關我鬼事呀"咁嘅樣><

如果死搶, 佢直頭大石責死蟹, 死未!

就算響屋企, 長期都覺得遠處有閉路電視監視...

嘩呢張響$12店(呢張賣$35)買嘅墊好啱貓用, 又夠大, 個面係織出嚟, 可以爪!

我本來想剪咗個價錢牌, 點知佢以為我同佢玩, 就係個牌都玩餐飽!

我成日都覺得dingding好樣衰(hahhaha), 好似小魔怪!

好醜樣

醜樣都要思考人生..haha

究竟係思考定發呆?

瞓覺個樣就最可愛, 起碼無眼卑卑

大家覺得呢張相係咪好大大大問題!我個電話會自動search人臉然後自動美顏, 我唔明囉!!點解dingding係人臉, 美顏到佢吖!!!!而我仍然係張發黃嘅臉!!公平咩!!!