多煩事

聽人講(好似係)當你嗰年沖太歲, 嗰年就會有好多動作!係我今年真係動作多多,好多事!我估我今年係沖太歲(其實無check過)!

而8月對我嚟講, 都係多事月份!唔知點解發現有事發生都係響8月!好多時都係唔係幾好嘅事tim!

哈哈...講咁多嘢都係完滿自己點解今年長期失蹤!

我真心係無打算唔理我呢個blog啦!呢度曾經係我嘅避風塘, 我又點會咁容易放棄吖。 但今年真係好忙, 響公司新運作模式下, 工作勁充實, 跟住要搬, 要處理裝修事宜。要知道, 裝修呢d嘢由細到大都唔係我呢d細路仔需要去處理嘅事, 真係green到不得之了!總之忙咗一個月, 又驚有咩因為自己太低b而癩嘢嘅一個月, 卒之而家都穩穩陣陣咁坐定定喇!真係可以安安心心咁工作喇!呼~~

至於我話嘅8月多煩事, 今年嘅8月煩事就係煩,不過好在都係化險為夷, 講到化險為夷好似好誇張..haha..其實係咩事呢?就係我家姚晃榮佢響塊臉生咗粒嘢要做手術割><見到塊臉粒核突嘢嗎?

我家嘅動物都一向身體健康, 十幾年都無睇過醫生, 今次姚晃榮第一次睇醫生就要做手術都無話唔驚!

每次帶佢去完覆診返嚟, dingding都會睇下佢咩事, 睇親都睇好耐架!

響佢做手術前一星期就要去打抗生素兩次, 希望抗生可以令佢粒嘢細d唔洗做手術, 其間條友如常地霸氣非常, 成日想咬醫生, ,最後抗生素無用都係要做手術><

小動物做手術最危險就係枝麻醉藥, 醫生話原來以姚晃榮呢個品種嚟講,15,6歲已經係老中坑, 有危險性架, 但唔係點ja, 唔通睇住嗰粒死嘢愈來愈大響佢俊俏嘅瞼蛋上咩!而且我對vet有信心, 咁當然有風險嘅事就要膽搏膽啦, 希望佢嘅福氣夠照啦!

到咗手術日, 晨咁早就去診所放低條蛋散, suppose傍晚就可以的返佢返屋企。點知診所比我預期早打嚟, 姑娘係叫我可以嚟'探'佢, 而唔係湊佢走, 嘩頂個心涼一涼><

一去到診所, 幾個姑娘不約而同咁話條友好頑強, 打完第一支麻醉藥好耐竟然都唔暈, 要補多一支, 嗱嗱臨入去睇條友!嘩好恐怖, 佢好似食咗軟骨散咁, the晒皮, 所有頭呀,手腳呀,JJ呀(!)全部the 晒出嚟, 醫生話因為佢好晏先暈, 所以仲未醒, 呢段期間要人手每10分鐘同佢郁手腳幫助呼吸, 如果唔係佢停止呼吸超過10分鐘, 就會屎!但呢間診所要閂門喇, 所以就算留醫都唔會有人留響度,而只有大埔先有診所可以通頂做呢個動作...咁梗係唔會送佢去山長水遠啦!就係咁, 問清楚醫生點做, 要注意d咩就拎佢返屋企喇!呢一刻佢只係得眼珠係郁到,d線唔係溶線, 兩個月後要去拆

我地8:00返到屋企, 即刻set個熱燈比佢保暖, 醫生本來話要熄冷氣, 嘩, 熄左冷氣佢唔死到我死!haha..於是將佢放入廚房, 夠晒熱!

條友平時夠晒惡, 人貓行過都比佢潑水, 想食嘢又潑到你周身水,手指隔住塊玻璃都擘到個口大一大想咬人, 而家好lu, 食左軟骨散, 任我魚肉..keke

我真係真心佩服自己嘅, 我由8:00至第二朝6:00, 真係乖乖咁每隔5-10分鐘就郁佢手腳幫佢呼吸, 我感覺到佢係憤怒嘅, 好似比人玩緊咁...hahahha

去到臨天光見到佢嘅招牌壁咚出現喇!!!雖然只係一隻手, 已經証明佢識自己有力呼吸啦!!yea!!

For your ref招牌壁咚...ahhaha

之後我真係要去瞓喇, 當我起身時需則佢仲響原位,但再郁佢d手腳時, 佢已經識得運勁推開我喇!!叻仔!

跟住全日都係剩郁手腳, 第二日當我放工返嚟時望下佢,嘩!雄姿再現呀!型佬呀!堅呀!以後叫刀疤榮!!

仲識做掌上壓(誤)..hahah

可以歸家(大缸)喇!今次真係好開心遇到好好好嘅醫生護士!

講完榮, 講下dingding喇!

dingding呢排人到中年, 竟然有d中年胖, 肥得嚟都係一臉不肖...

就算肯望鏡頭都係樣衰衰咁

放鬆唔記得縮肚腩, 個橫切面真係.....

想瘦梗係扒響度影啦!

(肥)美人魚..haha

睇相都覺得肥膩!!!

我嘅生活我相信終於回復正軌喇!好開心因為之前真係堅攰!而家有新嘅工作環境, 屋企幾隻又無病無痛,又可以開始寫返blog,開心!我唸沖太歲完喇卦?