檸蜜腐皮

呢排過得好滿足好開心。
呢排工作好忙，新嘅工作模式，忙得嚟又覺得好充實，好滿意現狀呢!

近來好想勁食甜品，又好耐無食自助餐，咁我表姐幾個月前已經約咗我生日前一日，去到見面時佢都懶神秘無講去邊，wa原來係去一間我想去好耐又book唔到位嘅自助餐，yeaaaaa!食到飽到上眼珠好滿足!

第二日正日我老公咁啱又係帶我去食自助餐，不過係日式嘅，又係極度滿足，又係飽到上眼珠, 肥呀!而且今年老公送嘅又係我正想買嘅咖啡機，好幸福啊！

講下食先，我不嬲都唔太好酸酸甜甜嘅嘢，但好似有d人唔中意食甜，但突然好想食粒糖一樣，我突然好想食酸嘢，唸起之前響賽馬會green monday 睇咗個recipe,睇下d材料屋企都有，又簡單，於是就嗱嗱聲整，hmm..連我唔中意食酸甜嘢都覺得好味開胃，好好餸飯呢！
材料：
素鵝兩包
檸檬一個
薑幾片
片糖大半塊

調味：
生抽1湯匙
老抽1湯匙
素蠔油1湯匙
水1碗

我唔中意煎腐皮嘢，因較油，我寧願焗，焗返d油出嚟，就算焗得較乾都無所謂，因為一陣要炆。

真係要準備嘅就只有薑片同檸檬片

真係可以hea到爆好薑就可以將所有材料調味料一窩蜂倒晒入煲

滾起就較中細火炆煮, 其間要攪動下, 加水, 大約10分鐘已經變成咁

攪動下焗一陣總之淋晒入晒味就食得, 幾快幾簡單!hehe..