嬲嬲豬!

我好震驚!我好震驚!我真係好很震驚!!
我從來未遇過咁嘅事!!!

話說, 假期同老公去咗銅鑼灣aeon 超級市場入軍糧, 本來心情繽紛, 咁一入去第一時間見到d奇異果好靚, 就狗衝, 突然有個女人唔知職員定promoter, 年齡大約6x, 佢見我想買, 佢話「揀下啦揀下啦AUNTIE!」我完全呆咗!!!!!

我以為我自己聽錯, 擰過去問我老公佢係咪叫我auntie!!!堅嬲!!!好銀耳!BUT!通常我對d同我爸媽差唔多年紀嘅人都盡量忍讓嘅, 算!好!我就忍忍忍一次!

好啦繼續行行行, 行左差唔多個幾鐘去比錢, 咁又經過生果檔, 真係想買奇異果, 咪行過去攞, 頂條友唔知響邊度攝出嚟, 「你買幾多隻呀AUNTIE!?」頂!又係佢呀!!!><

無嘢呀佢!!!講真你話比小朋友叫auntie我緊係唔會嬲la, 就算鄰居婆婆拖住個孫叫我auntie都make sense吖,反正我姪女都叫我伯娘, 我表妹個仔都叫我表e媽, 問題係你好人好姐6x歲大我成倍!!!你大大聲叫我auntie,因為我個樣太善良(誤)所以你要挑機?無    嘢呀!

我即刻話「你叫我auntie?!」
佢態度hill屎話「即係阿e啫!」

講真, 唔理你啱唔啱,但當人地已經表示好不滿而你仲要繼續, 一係你極蠢, 一係你你極無禮貌!我唔理係你鄉下興定係你習慣定咩, 總之我就係覺得銀耳!我認我係外貌協會會長,如果係一個慈祥老婆婆我唸我無嘢, 但佢唔係囉!而且態度唔明點解要hill屎!態度係重點!!

我唔知佢係蠢定玩嘢啦下, 我要買嘢我係唔會行開嘅,但我亦唔想比佢影響我囉,我同佢講「我而家唔係唔知咩叫auntie要你翻譯比我聽! 係你唔好再咁叫我!你唔明點解自己問人!總之你而家即刻同我收聲唔好再同我講嘢!!」幸好我天生一對粗眉大眼同低沉嘅聲可以凶得下人。 

我覺得以我咁嬲嘅程度咁講已經好按捺,我唔明shopping點解會遇到乞人憎嘅人囉,憑佢一副hill屎樣, 我有d覺得佢係有心囉!

咁可能我個樣真係太猙獰嘅關係, 隔離sell信用卡嘅仁兄即刻望一望佢再望下我講:「小姐, 申請aeon信用卡有嘢送!」好明顯佢想表演一個完美示範比佢!咁我示意佢唔需要之後, 咁我亦揀完我要嘅生果離開去搵返我老公訴苦, 我聽到佢響後面叫 : 有羹送aun..

吼!

可能大家有個疑問, 我老公去咗邊呢?通常老婆發緊火佢都係逃之夭夭既..haha..不過佢會一路都響我附近徘徊, 我成日都叫佢d女人嘢唔需要佢幫, 當然, 如果你明知自己老婆係咩性格, 你唔係仲想參與呀?hahahha..

不過咁, 呢幾年我已經收咗好多火, 以前會覺得自己退一步會比人食住進一步。而家呢, 都係好易撞火架, 我唔會忍d惡意桃機架!不過唔會變進擊之巨人囉, 都係低吼幾句令對方stop就算喇......

我真係睇得戲太多, 每次遇到事,我個腦都好自然唸起d電影場景, 尤其我哋呢d睇周星馳大嘅人, 當時唔知點解一見到條友, d場景又湧入腦...haha..佢最後最後當我走開仲想叫多我一次auntie時, 我真係唸起呢一幕, 好彩我理智叫我千祈唔好做!haha