去美國發癲 - 食食食篇

突然一轉轉左去講下食先..hehe...好隨意!

大家知我係一個黑洞, 我真係好愛好愛好愛食嘢架!!!!!

而普遍黎講, 我覺得除左我媽外, 我地全家都係黑洞, 因為我媽較為有理性,其他人包括我都好似一食就non stop咁..hahaha..
而當一班黑洞遇上煮嘢好勁既阿媽, 有供又有求之下, 我地日日都好似要吞噬整個宇宙咁食!!放心放心, 我無肥到!我地自己知自己事, 食到咁,當然都要做返d嘢!總之都係果句, 食得勁多, 運動量亦勁多, 痾得勁多, 打個和!尤其是我,長期比我老豆話side柴草, 因為大家都未吞最後一啖時, 我就會宣佈 : 唔好意思, 我要返屋企痾屎!hahahaha...

好喇, 講食喇真係..haha..其實呢度只係部份, 因為有時失去理性咁食, 都唔記得影相!

有日想約一個朋友出黎見面, 但佢太太太忙, 只比到早餐時間出嚟, 咁我地就為左佢好死早起身, 去左屋企附近既一間早餐店, 每人一個set, 再share一份pancake, 唔好問點解肥, 睇份量都知勁!我話份早餐唔係我呀!

又有一日去探朋友同佢既new born baby, 本來唸住買d cupcake去, 點知剛好揸車miss左, 咁廢事又兜圈返去買啦, 點知去到friend屋企, 原來佢老公已經響同一間店買左cupcake黎招呼我地, 原來大家都中意食呢間cupcake, 咁我地離開回程時, 忍無可忍就去左買d返屋企自隊!真係好好好味呀!!甜得黎唔係好死甜果d!!

我最愛朱古力焦糖, 頂你睇佢死唔死得, 中間係焦糖漿!!!救命!

咁又有一日約左班friends出黎見面, 黎左一間日本餐廳, 點知佢有得食火鍋?!仲要唔係日式火鍋, 係麻辣火鍋??!!呢兜野叫九宮格, 我好buy喎!因為d食物唔會潛左水搵唔返!一年無見, 成班人傾得超開心!開心自然搏命食!咁我地又打邊爐又食日本野咁, 嘩又係攬住個大肚返歸!心靈同個肚都好滿足!果日出面落緊雪, 但食完麻辣, 褸都唔洗著就可以行出去, so hot!...hehe

話說屋企最後一個姑婆即我大妹宣佈今年結婚喇!咁佢有見上年細妹為左攪一個大型婚禮被迫瘋既情形下, 佢唸住簡簡單單食餐飯算喇!咁佢同佢條仔帶左我地成家去一間佢食過幾好味既餐廳試菜, 如果ok就包場同親戚食一餐算喇!咁d野真係幾好食既!

響同時, 因為我阿媽係1/3生日, 到時我地都已經飛走晒, 於是我地唸住咁齊人就比個surprise佢, 同佢提早慶祝生日喇!(雖然我知佢已經估到..hehe)當個侍應拎個好似炸彈既蛋糕出黎時, 嘩頂!!!真係好死surprise!上面寫住媽咪, 下面寫住家姐生快樂!!(問心, 一拎黎時, 我比唔到反應, 因為d字核突到我完全唔知佢寫乜春!!hahaha..因為我都係3月生日, 不過係月中!勁滾動!除左我媽外, 我都係十幾年未試過一家人慶祝生日, 好死難忘!!!so sweet!

好喇, 講完躝街食, 又講下自己煮先!話說有一日我地成家要去姑姐屋企打邊爐, 咁我媽就帶部份食物過去, 佢叫我同細妹一齊包d餃子。咁自從呢單野後, 我媽極度欣賞我包既餃子, 佢話夠大隻多餡兼滾極都唔爆喎!有一日佢突然整左一兜餡, 叫我自己一個人一次過包晒佢,放冰箱等佢同老豆慢慢嘆!孝順如我梗係say yes la, 點知原來咁死多!!wtf!有兩碟已經響冰箱攤緊屍, 呢度係尾聲....
d餡雪左一晚都好似好唔結實好難包, 阿媽話:"係呀, 整時先發覺屋企原來無晒豆卜, 所以有d稀, 如果你醒目就應該搵d粉絲加入去索汁!"仲要曲線話我豬!!!吼!!





最後果幾日,我決定由我表演!我老豆車左我去遠近既中西超, 開心到我典地, 好好行呀!!第一餐我係包壽司, 開好個檀先!其實係影唔晒...

我想講, 我包左成20條!!!痴架, 好似工廠女工!!我真係影唔到相!!因為個碟永遠都係得幾粒, 每包好一條, 周圍d手包括我自己就即刻掃晒!天呀!呢3粒我盡左力響入虎口前影既!

我個粟米控妹又話想飲粟米湯, 我自己都癮起!講真我唔係好中意飲新鮮粟米湯, 我只愛我老公煲既金寶..hehe...但天呀!!我搵勻所有中西超市既金寶都係無出粟米湯!!!好怪!!其他牌子極其量都係得cream corn, 我唔覺得係湯囉, 因為太甜!好喇, 最後我用左呢個組合加自己調味黎煲!

其實我唔係好識預咁多人份量既食物, 加上我老豆長期偷食....所以唔係好夠, 但都好似金寶粟米湯!!hehe...

第二日係食焗嘢!頂呢種大焗爐我肯定一世響香港窩居都唔會擁有!!好死爽呀, 又好火!!!妖好羨慕呀!!!

又開壇先!有薯蓉舖底焗芝士菠菜釀大磨菇,白露荀, 牛肝菌磨菇意粉。嘩頂佢丫,扎白露荀又大又靚只賣us$3!!!好抵呀!死唔死呀!!

我認我未見過大蛇痾尿!!響個大廚房煮嘢真係好開心!!d嘢可以周圍攤, 爽死!!

我其實唔係好理食既野肥唔肥, 因為我覺得肥左可以做運動消耗返,所以無買fat free芝士, 但我妹勁介意(但係食晒)..hahah 

個個都食得好開心!對於煮果位真係好有滿足感!!

尾二果日,我繼續重芝士焗嘢!整左我自己好中意食既素魚芝士焗飯!做法係同焗豬扒飯一樣!!

呢d就係素鱈魚!!煎香左狂偷食!!!

頂頂頂, 好正!!炒飯底!煎香既素鱈魚!意大利蕃茄煮汁!重芝士!!大家都食到癲左!!好香呀!!

其實我爸媽平時兩條友食得好鬼清, 不過清還清,簡單一個南瓜飯我阿媽都整得好一絲不茍!有造型架下!hahha...

新年狂清糕!我就用響超市發現既素麥樂雞做餸, 正呀!!

大家應該不難發現, 響好幾張相既暗角都有死肥reese's..hahah...去親超市都忍唔住買, 食下一包食下一包, 所以響屋企總有一包響左近..hahah..到我走時, 我妹同未來妹夫神神秘秘咁放左包野響我個袋度, 講明入左閘先準睇, 點知一睇,嘩!!你要你老姊肥到咩地步?!?!hahhaha...好愛呀!!其中一盒係妹夫響女童軍賣曲奇時見到有薄荷朱古力,知我係薄荷人即刻買比我既!!呢兩條死野好鬼sweet!!!攪到我又肥又滾動!!!(其實另外有兩包已經比我響飛機ko左..hahhahha)

又講住咁多先, 好死長, 打到手斷!