魔鬼重返人間小雜記

我返黎喇終於!!><大家有無少少掛住我架?失蹤呢排, 除咗因為早排好忙之外, 仲經歷咗一d來回地獄又折返人間既事。

之前發現身體出了一d狀況, 令本來樂天的我一下子「自己將自己」打咗落18層地獄, 經過一連串我從未經歷過既檢驗, 我而家先知原來身體檢查肉體上都會有痛楚><, 最可怕係等待報告既期間, 係最煎熬人, 我直頭覺得心臟快要爆炸, 最後報告出嚟係虛驚一場!!完全無事!!所以我呢隻魔鬼又重返嚟人間啦!我又可以重投我既新年holiday mood喇!^^開始買嘢準備喇,yea!

重返人間覺得個天都特別靚!!雖然係堅靚!

不過我從來都係好懂得活在當下既人, 我會好盡情地去享受我眼前擁有既所有野!!第二日放工又去搭船, 已經放左聖誕場景, 好幸福呀><(心情好到影相都手震..hehe)

我唸最鬆一口氣既人係我老公, 唔係因為佢好擔心, 因為佢一路都覺得我唔會有病, 滿有信心咁。令佢最叉煩既係佢終於見識我我超神經質既一面, 佢係咁話, 平時好tough既你去左邊?平時個hea爆王去咗邊?hahahaha...整返d好嘢食比佢啦!haha..食譜之後再分享!

仲有件衰事, 有日落樓去買餸, 發覺道門有d怪, 點知原來壞左!!!困左響屋外5個鐘!!!換左兩個開鎖佬都開唔到, 最後都要爆爛道門取鎖!唉...

不過呢d唔好既野同浮雲一樣, 飄過左就算!都有開心嘢架!同事之前去左韓國旅行, 見到呢set嘢買左比我呢個叮噹控, 喂呀!邊捨得用喎!!!

最兩日響街市見到之前肥媽響電視介紹既冰菜!好開心呀!口感好得意, 我地兩條友都愛上左!!

又講下屋企兩隻衰野!有日見到ding勁好笑突然變左神探加利略咁樣, 笑爆咀!!ok, 我認我無聊...hahahha

咁其實佢都有正經既一面既, 我覺得佢以為自己賣緊廣告..hahah

不過明星都會放屁, 打個喊路都不為過(雖然個口堅大)hhaah...

呢邊廂, 晃榮唔知響邊度學人壁咚...hahahaha

草草咁講完近況, 下一個post開始我就歸隊啦!!hehehe...