之前阿媽返香港, 對於我一d煮食方法阿媽嘆為觀止, 我只好答佢因為你唔夠我懶..haha...因為我會用盡方法去懶, 即係你唔好旨意我會去切碎任何野, 因為我只會用攪拌機;整菜飯唔好旨意我會慢慢用薑爆完d菜再等d飯剛煲完放入去, 因為我只會生米同生菜一齊掉晒入電飯煲就算, 反正我中意食爛飯..haha..
而焗爐係我永遠既好幫手, 一黎我覺得較健康, 唔洗下下用油, 而且唔洗點睇火..hahhaa..
之前都講過, 大家都知道我其實係較中意食鬼佬齋, 一黎可以避開我最怕既冬菇!!二黎佢地好少用黃豆, 女士不能吃太多啦!同埋我覺得部份既台式或者馬來西亞既齋都幾油同埋會用色素, 呢d都唔想食太多, 而西式既就好少見, 多數係用返蔬菜同鬼佬豆, 我覺得真係好食好多啦..hahhaa
早前見到ikea有素食出左, 但香港仲未引入, 終於上個月見到素丸了!!^^即掃!唔好唸住佢係Q彈既質地, 佢主要係蔬菜, 岩晒我老公呢d雜豆控!哈!
如果大家都中意食鬼佬齋, 灣仔有一間Green Common, 好集中, 但我自己一路都未有時間去, 但有日同事響sogo見到佢地有攤位, 幫我買左幾包, 其中呢日就焗左呢款假雞手指!
個面好正, 好似脆米咁!睇下裡面都好真!texture都好似, 好味!
自己調左個汁, 爆香薑蓉,蒜蓉,乾蔥, 加水加醬油,蔬菜粉,煮滾再灑上芝麻, 攪惦, 正!!!!!
最後再加上牛肝菌煲飯, 飯上放上鹽漬海帶, 食時撈埋一齊, 攪惦, 正死!!!><
之前見有人話開始轉食素同朋友食飯唔方便又或者比人留難。其實有時有d人見我唔食肉可能誤會我係純純的, 會串我, 話食咩假雞假肉, 齋口唔齋心...咁梗係啦, 邊個話齋口一定要齋心, 我, 仍然係暴戾既我!而通常, 串我既人都係大魚大肉既人, 總之我覺得自己食得開心覺得好味就得喇!串我?唔係真係咁大膽呀?
我好鐘意呢句~因為我會用盡方法去懶~用盡方法用懶已經好辛苦架喇~哈~我上星期都去ikea買左包素肉丸 , 不過仲未煮 , 應該話仲諗緊點煮好
回覆刪除除左焗, 我真係唔知點整好食d, 因為個樣好似好易散咁, 個口感又唔係太岩餸中式湯麵, 所以我都係焗左佢餸意粉多。
刪除絕對同意「自己食得開心覺得好味就得」！同埋你仲會煮，都唔算懶呀~~只係用最簡便嘅方法啫，真係懶就買現成算啦~~
回覆刪除hmmm...經你形容完, 連我自己都唔覺自己懶tim...hahaha
刪除邊個話齋口一定要齋心》》》哈哈，我都覺得係㗎，連個心都要齋埋先有資格食齋，呢個要求太苛刻啦
回覆刪除咪係咪係!!我都覺得兩件事係唔"啦間"!
刪除你又幫人買晒廣告呢，快D收番錢呀……哈
回覆刪除而家呢個地球唔好再食肉喇，有害無益，食多D豆類蔬菜類健康好多呢，妳煮齋已經好好味了，努力吧！
你唔好咁鬼計較啦!!hahah..
刪除eee...你竟然讚我...hoho
我可以再懶，汁都唔煮，點茄汁呀！
回覆刪除you win!!hahaha..
刪除最近都入左IKEA 雞肉丸!! 我都有食過果素菜丸, 都幾好味呀!!! ^^
回覆刪除你餐飯, 簡單但又好飽肚~ 掂呀!!! 抵你串啦!! 哈)))))))))))))))))))))))))))))))
其實呢, ikea隻雞伕丸我好中意食, 不過會盡力忍住囉..haha
刪除人地邊到串ja..hehe
素丸大大包，份量十足！
回覆刪除係!!佢比其他丸好似大包好多咁, 食左好耐呀!
刪除食埋晒D急凍野，冇益架喎
回覆刪除都係架, 但話明懶人餐嘛,不過又唔係成日食,平時都食好多新鮮蔬菜,而且大多素食製品都係急凍野啦, 又唔係彊屍肉..hehe
刪除冇錯！最緊要自己接受到就得！
回覆刪除係呀, 最憎做咩都要唸埋人地嗰份, 尤其嗰d得把口既無謂人><
刪除其實平時填包個肚,但有時間,為了身體健康煲多些螢養湯水,也可用蔬菜生果為自己調靠螢養飲料,不飲氣水,少吃垃圾餐,也不錯了
回覆刪除知道了!好在我中意飲漡ja!
刪除