10月對我黎講係全年最恐怖既一個月, 因為不論公事或私事都好鬼死忙!!響呢個時候就好掛住美國娘家..嗚嗚嗚..因為嗰度係我嘆世界既地方..嗚嗚嗚..我而家每日都在倒數我既農曆新年大假...今次將會stay 3個星期, yea yea!!
嘩今年既夏天又過份熱又過份長, 熱死我呢隻冷氣狗!!終於, 天氣開始涼喇!!但我嫌佢既速度唔夠快啦, 去到11,12度咁就最爽yy喇!!但未凍先乾啦, 乾到我個身痕, 見媽share左d滋潤湯水上fb, 我見到有椰子湯!wei ar!!好耐無飲過喇!!
第二日一收工就去左另一區買椰子啦, 因為我樓下街市好細, 費事搏!講真今次係我第一次買椰子, 因為感覺椰子梗係煲雞架啦, 咁我唔飲肉湯, 自然就唔知買椰子做咩啦!但我hea望左阿媽個recipe一眼, 我就用左自己方法去煲喇!
材料 :不外乎係所有潤嘢啦!
椰子叫菜檔開, 返黎洗乾淨切條
佢會留起椰汁一袋咁比返我, 加埋落d湯度既!
冬天又點少得栗子丫!個老闆好奸, 我話要10粒, 佢鬼鬼鼠鼠咁放左成3x粒落個袋度, 好彩望到!見佢老,忍住唔爆佢!哼!
呢個故事教訓我, 響唔識既檔口買野要打醒12分精神, 個阿伯知我唔係即晚煲堅持唔剥皮比我, 亦無比我睇下個粟米真身><咪就係咁樣囉!!死嘢!!
另外就係蜜棗, 咁呢兩樣嘢都係攞甜味, 最最最重要既靈魂係腰果!佢會令成煲湯濃郁晒!!我都加幾多!好多人真係飲唔出無肉架!咁今次重點係滋潤, 我再加多兩舊無花果^^
所有材料加水細火1.5個鐘, 加大火半個鐘,total兩粒鐘, 真係好甜甜甜, 好香椰子味呀!!其實我仲買左鮮海底椰, 不過阿媽話over左, 唔好浪費所以無放, 果然飲左兩日個身無咁痕, 大家都試下呢個素湯!
我昨晚都係煲椰子素湯，都係加埋椰子水，超甜超好味呀
回覆刪除其實我偷飲左少少..haha...不過飲飲下突然覺得好dirty..如果唔係一滴都無剩..hahaha
刪除嘩，原來呢煲湯要整咁多功夫，妳好叻叻呀！不過支粟米好似營養不良咁樣衰，我知妳實返去投訴呢
回覆刪除Anyway呢煲靚湯好好飲呀。👍👍👍
嘩你而家先知呀, 你估真係掉晒落煲就得咩==我都覺得呢煲湯好香甜^^
刪除我梗係返去爆佢啦, 離晒大譜, 咁做生意!!><
作者已經移除這則留言。
回覆刪除根據粟米嘅狀態，個阿伯簡直係詐騙囉
回覆刪除咪係!所以佢死都肯搣皮, 我仲以為係一d老人家既無謂堅持, 點知不來係奸仔, 我有返去爆佢架!
刪除期待去旅遊的日子是最痛苦的呢，嗚嗚！
回覆刪除係呀!!!!尤其是愈接近愈心急><
刪除呢個湯好正呢
回覆刪除好潤呢, 岩晒而家!
刪除見到條栗米咁,, 未睇字估你一定爆佢!!! 哈)))))) 我都試過去街市買粟米, 有時佢地唔會開出黎比你睇入面.... 我都"奶"過野!!! >< 返到屋企見到咁, 真係想殺人!!
回覆刪除個湯好正咁啊!! ^^
我梗係返去爆佢啦,我係唔會姑息呢d人!好在我有圖有真相, 仲話賠返比我, 挑, 我真係唔希罕!不過平時響自己幫襯開d街市唔會咁啦, 連白蘿蔔都會切開左比我睇下有無黑先賣, 幾好幾老實!
刪除睇到流口水
回覆刪除thanks!!你都煲黎飲下丫!
刪除個條粟米甩皮甩骨亞伯奸到出汁! 嘩!你好勁呀識整咁多好野!
回覆刪除thanks!因為我中意食, 所以中意煮(唔懶時)
刪除我過左幾日返左去爆佢!佢即刻死晒狗, 佢自己知自己事!!
連放三個星期好開心呀！真係會望到頸都長~~~
回覆刪除個老闆真係唔老實喎，下次唔好幫襯佢:(
我煲素湯都會落腰果或者合桃，真係甜好多呢~見到你哩個湯都即刻覺得潤呀^^
係呀, 我日日都幻想一起身就係2月...hahahaha
刪除點止唔幫襯, 我返去省到佢立立令!
等我又試下合桃先, 呢個反而未試過!呢個湯聞都覺得潤, 岩晒呢排咁死乾!
新年過去咪好凍囉，妳頂得住呀?
回覆刪除嗰陣波士頓會好凍
刪除你地同我定啦!我怕熱唔怕凍, 唔好唔記得我叫冷氣狗, 凍就最多著多一兩件衫啦..haha
刪除我同妳相反，我怕凍多過怕熱
刪除呢個湯勁滋潤！正！
回覆刪除這個湯咁正,這個冬天就煲多幾次啦,
回覆刪除