懶呀懶呀...我已經去到懶人最高級境界!雖然我唔怕凍啫, 但亦唔願意將手浸響凍水洗菜; 唔願意將腳伸出暖暖被窩; 亦唔願意伸出暖暖的手放在冷冷的keyboard上打字..哈哈..係時侯要打理一下這個面臨發霉的blog了!
近來都少咗整嘢食, 但都唔係完全無整既,響呢個冷冷的凍天, 食薑就係不二之選!(根本春夏秋冬都在食!)其實有關薑既一切我都中意食, 唔知大家有無食過新亞薑糖?我就好中意食, 我中意佢軟軟的, 但整就真係點都唸唔到點整。上網搵過, 只係搵到一個食譜(yen.幸福廚房), 我參考了再把材料和做法作了修改, 因為原食譜是用微波爐叮出黎, 但我唔係好想食叮熟既食物, 所以用了先蒸後焗的方法, 口感係煙煙un un, 雖然係糖, 但總有糕既影子。響打呢個post時我已經搵到好似好似新亞薑糖既做法,不過我覺得呢款都係一個幾得意既食法呢!所以都係要介紹給大家!
工欲善其事 必先利其器, 用木羹刮糖,果真得心應手d, 這個在$12店買的, 好靚呵!
材料 :
糯米粉140g
黑糖80g
薑汁7湯匙(大家都覺得完全唔辣囉!)
滾水100ml
麥芽糖20g
熟糕粉適量
用滾水先把黑糖和麥芽糖溶掉, 分幾次篩入糯米粉。
完全攪拌好
蒸10分鐘, 用木羹刮出倒入熟糕粉再幾之壓扁放入焗爐。
我只是用了小小的多士焗爐, 只校下火, 目的是要另它乾身一點和硬一點, 我係金睛火眼看著的, 因為有糖會好容易燶。如果唔想冒險, 我覺得放入雪櫃都ok, 但應該要放一天。
我真係覺得唔夠辣,切好後倒入薑粉翻滾一下..HEHE
用被包著自己看電視邊吃薑糖, 爽YY呢!
分左半張梳化比以下呢條友..哈哈
自製薑糖好吸引~
回覆刪除自己整無添加呢!^.^
刪除新亞薑糖正正！你個食譜巧得意！
回覆刪除我成日買新亞薑糖食架!
刪除我都覺得呢個食譜好易handle, 星期日就真係會整新亞版本^.^
哈,,,,,,,叮叮好似大爺咁嘆喎,妳老公仲有無得嘆㗎？
回覆刪除D糖好吸引呀,想試吓辣唔辣,,,,,哈
張梳化係我同dingding霸住, 我老公無得坐架..哈哈
刪除今次7羹薑都唔辣, 唔知點解??
薑糖都係自製，勁丫!
回覆刪除嘩!Ding Ding咁豪放呀
自己整知道自己食左幾多糖麻!hehe..
刪除Ddingding自己一個霸晒部曖風機爽到劈腿..哈哈
你都唔懶呀，薑糖都自已整.
回覆刪除成個星期先煮少少野咋..哈哈
刪除嘩！ 你好犀利自己識整薑糖。 我呢到最近薑好貴， 夏天先整！
回覆刪除eeee...夏天整/食咪好熱囉...哈哈
刪除我都好鍾意食新亞彊糖!!! ^0^
回覆刪除蝦, 你真係好得!! 咁都比你咁整!! ^^ 整完放室溫會唔會軟晒咖!??
有一堆過左兩日先食軟硬度無變到...hehe
刪除我星期日就真係會整新亞版本既薑糖, 希望成功啦!!
不如改用台灣果d勁辣黑糖薑茶黎煮, 咁就一定夠辣啦.
回覆刪除係囉, 唔知點解7羹薑汁都唔辣呢??!!下次試下你呢個先!^.^
刪除我見到你隻貓的腳墊, 好可愛
回覆刪除我都覺得呀,粉紅色好可愛,佢一訓響度我就會"禁"佢d腳墊..hehe
刪除有貓陪住，更加爽爽爽
回覆刪除用佢黎取暖最爽yy..hehe
刪除睇到妳啲薑糖就流晒口水！攬住隻貓就更加暖！
回覆刪除下個星期會整新亞薑糖既版本, 如果成功就正正!
刪除我最中意用dingding黎取暖!你貓貓冬天痴唔痴你??
煙煙un un 的確好吸引啊﹗好想吃一塊呢﹗
回覆刪除係呀係呀, 我好鬼中意食煙un野, 停唔到咀!
刪除我都幾中意食薑糖架，但估唔到薑糖都可自製~~
回覆刪除我星期日會整新亞版本既薑糖, 希望成功啦!!
刪除叮叮好正呀, 想掃佢個肚仔.
回覆刪除I want to eat too!
回覆刪除