7.4.20
椰菜絲沙律+偽煙肉
好攪笑,呢排上網見到個漫畫,意思就係,疫情過後,你我他都會變晒廚師!哈..真係好啱,呢排零出街食飯,只係好幾次真係技窮買咗外賣。其他所有日子,由新年前到而家,都係煮煮煮煮煮....唔變大廚都幾難。
跟住我同我老豆咁樣講,佢話,超,好叻咩!你媽煮足幾廿年一日煮3餐tim ar...okok...你老婆最叻喇!我仍然係嗰句:我唔適合做全職家庭主婦,因為我真係做唔到咁賢良!😂
不過,呢排因為我唔想我老公死去買三文治,因為我怕烏糟,你知啦,非常時期,如果食物中毒都唔會去醫院阻住地球轉,於是我又重拾返之前令我覺得乏味嘅整麵包生涯喇!
尋晚臨瞓又上網睇下片唸下今日晚餐煮咩好,睇到條片兩條女試食完個樣好誇,攪到我都心郁,即刻整嚟食,就係用磨菇扮煙肉喇,我相信幾咸,於是整埋椰菜絲沙律試下夾唔夾先!
先攪椰菜沙律先!
直接用刨刨,我認我刨完成身都係😂
因為呢個係有機菜,咁我用少少鹽水浸一浸,如果唔係有機,我會快手用滾水淥一淥。跟住隔水放入雪櫃待用。
跟住將磨菇切薄片
用0.5茶匙豉油,3茶匙油,手指夾份量鹽,胡椒粉,撈勻,平均放上焗盤,190℃焗15分鐘,攪惦!
椰菜絲加沙律醬,灑上磨菇,食得!
嗱,其實我唔係太記得煙肉咩味,但佢好似嗰d 一樽樽乾煙肉,即係圓形粒粒食沙律嗰d 呢!好香,同椰菜沙律好夾,好味!
有椰菜沙律,梗係配埋爆汁日式咖哩啦!正啊!
一post一花:
好少見較剪蘭,人地插得好高雅,我插到好好似 癲婆頭咁😑
訂閱:
張貼留言 (Atom)
自己焗包,唔駛食出面啲空氣包咪仲正
回覆刪除係正, 不過真係要有多餘時間先做到!
刪除係屋企煮多啲咪幾好,其實我都唔適合做家庭主婦,完全不愛做家務,後來街外食物吃得多冇益,加上宅男開始食素,才慢慢適應煮煮的生活,你做得好好,加油啊!
回覆刪除多謝啊!雖然香港已經好容易食素, 但如果日日出街食真係唔多選擇, 唔勤力d都唔得!
刪除真係正, lam lam脷.
回覆刪除我只識整超簡單既野.
呢個近乎無咩嘢做啱晒你!
刪除麵包做得好好呀,粟米包同蟹柳包我最中意👍
回覆刪除焗到好乾D菇味太濃太硬都係正常咁巳經好好味,唔駛扮來扮去呢,食到原味道又好味已經滿足喇😋😋😋
為咗你整咋麵包!
刪除無扮啊, 但個味真係似嘛!
好掂呀喂!😻
回覆刪除thankss!!好正啊heeheee
刪除