呢兩日放假本來唸住有得出下山去shopping行下街, 一嚟確疹已經有兩日歸零,二嚟好驚五一黃金周d人湧晒嚟香港, 到時又唔知點喇!但係上網睇到銅鑼灣原來好多人都好似我咁已經按捺不住出嚟透氣...唉算喇算喇, 都係響山洞攤多陣屍啦, 廢事人人都出去咁早鬆懈!
咁響屋企又惟有煮下嘢啦, 上網睇下人地煮咩抄考下!見到素媽媽包餃子,都好喎!都好耐無包過喇!
之前order有機菜有個細細紫椰菜, 真係好細, 好似一個大橙咁上下size, 就用佢嚟包啦!
材料好簡單 , 就係細紫椰菜, 1.5包新豬肉(本來浸咗藜麥, 但唔記得落囉....=.=')
調味料 : 糖, 鹽, 醬油膏, 胡椒粉,麻油,薑蓉, 粟粉
椰菜用刨刨絲,用滾水輕焯半分鐘, 渣乾晒水,所有材料連埋調味料撈勻.
如果你好有自信心就唔洗好似我咁, 但毫無自信的我, 通常包之前都會快手煎一pat仔餡睇下調味成點先包, 就好似今日咁,煎出嚟係有d咸, 嗱嗱聲加返d糖落去先包. 咁就萬無一失喇!
開皮喇, 頭一兩隻唔敢包咁多餡, 熟咗手先包爆餡!
包咗幾隻就變咗熟手技工lu!我中意包到大大隻!
其實包餃子都係一個唔錯「親子」時間..haha...邊包邊吹水,沙煲咁大個拳頭包一隻細細餃子,so cute!
好明顯大家唔同style, 我中意大大隻,佢就懶的的骰骰
攪惦!話咁快就包好晒!
煎得!嗱,我要強調,我至細已經極憎紫色,尤其粉紫色, 不過餃子有d色彩都靚嘅...
一貫我嘅style...樣衰...煎得係樣衰嘅, 咁佢煎煎下仆低咗我有咩計ja....
好好味喎, 落少少薑蓉吊起晒d味好正, 仲有d juicy tim ar!!
我平時唔太中意食椰菜嘅, 但用嚟做餃子我中意呀, 好爽!
所以一次過食晒lu!!hahhaa...
一post一花 :
嗰日去買花, 我同花店熟, 例牌巴巴閉閉咁要老闆拎佢d珍藏比我(即係好新鮮未開出嚟賣嘅花), 因為我講嘢太大聲, 見到靚花又好浮誇9叫, 而令到側邊一個迷茫的買花男多咗盞明燈!跟住老闆話佢其實企咗好耐, 又唔洗老闆幫, 好彩有我做明燈,所以佢平咗$10比我...hahhahahaahaha
今次買咗一大扎立梅, 好靚啊!
其實我好中意買人地口中嘅襯花, 即係如果我見到好大粒嘅滿天星我都會買,又或者一大扎嘅尤加利葉, 因為我唔中意感覺太姣登登嘅嘢.......所以我憎玫瑰,亦憎粉紫色.....
我係超市買唔到新豬肉,而家上網訂咗要下星先送貨。
回覆刪除我都喜歡自己包素餃子。
大昌有得賣啊,其實有排惠康百佳都有,但有日突然全世界斷晒貨,我都有上網買過!
刪除真係包得好靚喔
回覆刪除我包得靚d定佢包得靚d先..heehee
刪除要揀就緊係揀妳包嗰啲啦,唔單只包得靚,仲漲卜卜多啲饀
刪除你真係想煮乜, 就會識得煮乜.
回覆刪除連餐具都靚呀, 咁會食得再開心D.
我真係好中意買餐具同文具㗎!hahha..用中意嘅工具做嘢真係開心d!不過真係好無位..haha
刪除包得好靚, 我都想試新豬肉.😊
回覆刪除thanks!搵日green monday試下啦!
刪除D餃子好靚呀,想食:)
回覆刪除give me 5555!! 我都中意襯花多D!!!
Thanks!!
刪除係啊,而且襯花唔洗襯,買一大扎就得!haha
我最近都成日煮餃子,放假冇嘢做成日跟阿媽學煮嘢!🤣✌🏻
回覆刪除開心share auntie食譜嚟學下嘢吖!
刪除淨係夠膽share圖,而家仲係bb班唔敢分享食譜!👶🏻🙈
刪除細細隻標準size 真係包得好靚,估唔到新豬肉加椰菜真係幾好味👍
回覆刪除喂呀自己讚自己知唔知醜㗎你!
刪除