講定Goodbye 2019先, 因為我都幾肯定31唔會出到post。
2019真係好行夾唔送。
對香港人嚟講,2019係大變天嘅一年,係好痛嘅一年, 而不論你係幾多歲,2019亦係令人長大嘅一年。經過呢一年, 我先知自己一路都好幸福, 而幸福真係唔係必然。
呢排忙又唔係好忙, 剩係無咩去街, 咩都覺得好乏味, 聖誕都覺得無咩想慶祝, 當出面TG放題緊, 唔係仲有心情佈置聖誕樹嘛...
不過咁 , 人始終都要食飯嘅, 聖誕簡簡單單兩條友響屋企舒舒服服響屋企食餐飯, 去附近商場行下買下餸, 嘩唔行唔知發咗毛!頂完全唔惦呀, 即刻約表姐過兩日出嚟行街SHOPPING!!嘩頂, 真係好頹呀痴線, shopping能醫百病, 一於shoppingggggggg!而且我表姐係一個好稱職嘅聆聽者, 就算我對佢喃嘸成日, 佢都會靜靜咁聽...hahhahaha
好喇兩條友真係唔食太多嘢, 預備好晒就開皮煮喇!
快靚正, 洗洗切切煮埋都唔洗一個鐘頭!咁聖誕節食嘅晚餐, 就叫聖誕大餐!haha
dingding好似d阿婆仔咁, 等食等到恰眼瞓..haha
一拎罐出嚟即刻彈起咗!haha..
一post一花:
我不嬲都唔中意玫瑰, 感覺好姣凳凳, 但嗰日去到花店, 嘩d玫瑰又大又新鮮, 買啦買啦!襯花當然用我最愛嘅尤加利葉, 貪佢有清新香味
講開尤加利葉, 多咗cut出嚟嗰d放入兜仔, 會香一兩日
發癲, 第二日換水時, 已經大咗好多!!!
預祝大家新年快樂!水就留返2020繼續吹!!!hahahah...
新一年新希望,新年快樂!
回覆刪除新年快樂啊EE!
刪除希望新一年,香港快啲恢復
回覆刪除新年快樂!
刪除希望香港人開開心心
完全明白!真係好想送走2019~~
回覆刪除不過近年尾氣氛都有D唔同,我都約多咗朋友去街見面輕鬆下,咪頂唔住,仲要繼續堅持嘛~~
祝你新年快樂,事事如意:)
係要約朋友出嚟大家互呻下先可以再吸引正能量
刪除希望你新一年,健康又開心!
作者已經移除這則留言。
回覆刪除我自己總結左2019年十大事件, 有7件係唔開心既事, 真係好hurt. 8(
回覆刪除祝你新一年只有開心嘢,衰嘢統統走!過咗去嘅由佢過去!
刪除我食素肉一定有好大陣菇味,今次第一次食Beyond Burger,質感同味道有八成似真,好正好味道,新年再食👍👍👍
回覆刪除今晚又有得食,開心啦!
刪除新年快樂!身體健康^^
回覆刪除新年快樂程兄!
刪除