我相信好多人都一樣, 呢排心情起起伏伏咁 。
少咗躝街, 亦唔會返娘家過新年, 唔放心dingding一個響屋企。
不過我覺得最重要係自己要調節好自己嘅心情, 要令自己充滿正能量, 咁樣先至可以行更遠嘅路!
唔躝街留響屋企其實都好忙, 整下lee整下路,執下lee執下路咁, 嘩頂咁就一日喇, 其實d全職家庭主婦真係好鬼勁, 講真我寧願返工處理公事都唔想處理家務囉!!
咁響得屋企,響廚房蒲就梗㗎啦, 睇下雪櫃有咩就清埋佢, 反正好耐無食炒飯,就將佢炒埋一堆唔洗唸..😁
有半包蝦仁, 用d蒜鹽醃下,炒炒備用
我唔中意食黃金炒飯, 蛋絲又唔中意(我只係食我阿媽整嘅蛋絲😚), 我通常炒到咁,咁就可以食到一舊舊蛋喇!
點解突然炒飯?就係因為有咁大碗冷飯喇!裡面仲有藜麥同埋甘荀, 前兩晚食剩嘅!heehee..
咁easy job啦, 按扁d飯再炒鬆, 倒入蛋,蝦,鹽/豉油,基本炒飯已完成!咁屋企仲有樽黑松露醬, 又係d唔放得耐嘅嘢, 大手兩匙放入已熄火炒飯度兜勻, 嘩即刻香到呢!!
屋企有包魚乾仔。大家都知我住得近海, 我食親魚仔都係漁民檔口仔買,正嘢!點知有日懶行路, 就去咗d大牌子買喇, 難食囉!!於是就剩返大半包響冰箱,唸起之前睇電視用炸, eeeee...一於炸咗佢同d炒飯一齊食先!!
先洗浸一下隔水。(呢度係1/3,唔係全部, 我分兩次炸)
唔洗用好多油, 只係咁多就ok。總之盡量舖平魚仔到沾到油就得。
唔好以為會彈油得好勁, 我都係好hea咁用紙索下d水, 就咁掉落去, 都無咩彈油。其實容易過炸其他嘢。
我用中火炸到金黃就兜起, 其實我炸得唔係太好, 有d較白就係炸唔透, 所以我話盡量舖平魚乾仔都沾到油就係咁解喇!
一離油時係一餅嘢咁,唔好理佢隔咗油先, 凍咗就整返散佢, 我用手渣散就算是鬼但, 凍咗就勁脆, 撈d鹽呀7味粉呀是鬼但你中意就得, 好很好味心心眼!!😍
一post一花 :
我覺得屋企插下花, 有d色彩令人心情好d嘅, 謝咗又可以插下另一款唔怕悶。
嗱但係我個人就真係好很悶, 因為我成日都買桔梗+尤加利葉, 因為新鮮桔梗堅靚嘛..haha..咁尤加利葉有一種好清新好醒神嘅味, 真係非買不可wor!!haha...
短短兩星期就買咗兩次..haha..我認我是悶蛋...haha
跳舞蘭堅係令人好雀躍好開心!
好新鮮!!!新鮮到有蟲蟲!welcome to my home..haha
當然唔少得我每次都會將d短枝剪落嚟插樽仔, 亂插都好靚啊!!
希望你睇完都覺得開心咗😘
睇到你碟炒飯已經開心。
回覆刪除因為你都係為食貓..haha
刪除妳碟炒飯好正
回覆刪除嗰晚即刻食多咗飯!
刪除好有心機的一個炒飯! 自己炸白飯魚,真係多功夫!但我個會好好食囉!
回覆刪除炸魚乾仔真係好簡單唔係想像中咁煩ga!
刪除喜欢读你的文章,盏鬼的来又够诚恳,可说是为我平淡的生活占点色彩!但要等好耐先见到你post咯!
回覆刪除謝謝你欣賞啊!
刪除係~~我認我真係好鬼懶好耐先update一次..hahaha
咁大隻鑊炸咁少嘢,不如買個氣炸煱試吓喇,可能仲方便呢👍
回覆刪除加咗炸魚仔口感好正,松露叮熱咗D香味好濃,下次試黄金炒飯底喇,我炒吧😎
炸幾多你都覺得唔夠ga la!!><
刪除你炒???HAHAHAHHA...收..
我搬左office都中意種野, 日日淋水, 又摘枯葉, 係好放鬆好開心架.
回覆刪除你D桔梗花可以插幾多日呢? 係咪日日換水?
桔梗好襟擺啊, 最少放到一星期, 頭4,5日我隔日換水, 無換水嗰日就加水, 但記得換水就要修剪埋!
刪除嚟吸收下正能量!
回覆刪除要正能量可以直接去吸貓啊!HAHA...
刪除無錯!一定要俾D正能量自己,咁先可以好好過生活~~
回覆刪除我都中意食一舊舊蛋多過蛋絲:D
聖誕快樂。
回覆刪除