網頁

3.9.18

芝士蕃茄焗三文魚飯


我阿爸阿媽第2個孫出咗世喇, 今次係大妹嘅。BB未足月唔放相住,至於細妹個女都9,10個月就快1歲, 得意妹, 好得人中意!!

就算我唔太中意細路,都比佢引死,因為佢有我地家族優良傳統,就係夠晒麻甩,係甩二代..hhaahaha 

BUT!!得意還得意, 小朋友嘅嘢, 玩就好玩, 其他嘢都係可怕嘅!呢個世界上最珍貴嘅始終都係: 自‧由! HAHHAHA..

我嘅人生, 永遠都唔會有plan, 就算plan咗都會睇心情改改改!好明顯因為我天生就係hea爆皇!


好似今日咁, 一起身已經覺得好眼瞓, 完全係死屍mode,就唸住放工返嚟一定要大字型咩都唔做, 點知放工搭車返屋企時突然好想好想食蕃茄焗飯!大家都知, 呢種突然想食某樣嘢嘅感覺, 係如果唔去食係個身會全日痕!! 


其實又唔係真你好想煮,但買外賣唔係豬就係雞, 對我嚟講無咩選擇。

跟住就憑住呢個好想食嘅感覺, 將我嘅死屍mode暫時close咗, 於是就去買料煮嘢喇!

雖則我中意食魚, 但我已經好耐好耐無買新鮮魚,原因係遇到d嚇死我嘅事, 咩事就有機會先再講喇!
咁我通常都會有d冰魚柳存響冰箱嘅, 其實講嚟講去都係三文魚同鱈魚,其他都好少食, 尤其大超市鯰魚扮龍脷嗰d... hahaha...笑死人,龍脷個身扁d無鯰魚咁圓, 而且貴好多, 點會咁平, 所以主婦買嘢真係要打醒12分精神!

ok,  而呢兩隻都係我多數買嘅! 嗱我唔係賣廣告呀, 我遮咗舖頭名架!hahah..

左邊3文魚, 中意佢手殘如我, 點煎都唔老!有次煎煎下行開睇電視..hahah..點知都無話un晒, 以後就keep住買lu, 隔離個包都係因為懶, 中意佢切到正正方, 幾好用!

時間關係(要返工嘛!), 唔炒底喇, 直接將蛋漿加少少鹽撈入熱飯度代替, 問心, 我中意咁食多過炒底, 獨立嚟講, 呢個蛋蛋飯, 係我細個阿媽成日整比我地食嘅飯!p.s.一點點嗰d係藜麥

快手煎香魚表面可直接放上飯面, 用錫紙兜當然係因為洗少個兜..haha, 玻璃兜係老公帶飯嘅, 呢兜係鱈魚, 因為佢中意鱈魚多d。

我以前整蕃茄焗飯, 會好隆重用好多料煮好耐去煮一個汁, 點知有次出街食飯, 去左一間街坊小店, 廚師係幾個媽媽, 佢地個蕃茄焗飯一d都唔隆重, 食得出材料只有蕃茄一樣, 加d茄汁調味咁, 但好好味, 可能呢d就係媽媽味啦...之後, 我都係咁煮, 我爆一爆d蕃茄, 加埋茄汁茄膏黑醋鹽糖煮濃佢。


hehe...一定要多汁到浸到飯!!hahah..

跟住當然瘋狂落芝士, 今次唔想用mozzarella, 用咗濃味d嘅parmesan.

230℃焗到個面金黃就食得!好脆啊d 芝士!!最衰買漏咗菠蘿粒!

同場加映,dingding搬咗新屋之後,佢自己set咗張餐枱係食零食嘅地方,成日覺得企響度就有機會食零食,就算只係一粒都想食😑,但唔想佢成日食零食就忍住扮望佢唔到,佢又唔會出聲喎,但會響你背眼用個怨婦眼神攪到人背脊寒....hahaha

咁奴才緊係唔敢再怠慢,食完又大班咁返上自己個個竇,招招積積比佢吹脹🤣









15 則留言:

  1. 個飯焗得好靚。
    dingding都好靚
    BB更可愛呢!

    回覆刪除
  2. 我唔鍾意自己有細路,但我好鍾意人地的細路。對小朋友很有好感架。

    回覆刪除
    回覆
    1. 我都係呀,人地嗰d就好玩,自己就咪攪喇!

      刪除
  3. 我唔鍾意食焗飯,都唔知點解

    回覆刪除
    回覆
    1. hahah...我哋d口味好唔同!

      刪除
  4. 今次焗飯夠多汁,最重要汁味道,今次好成功,係個錫紙盒細咗D,BB直頭係明星樣喇🤣🤣🤣

    回覆刪除
    回覆
    1. 我知個紙兜細呀,食少d囉🤣🤣

      刪除
  5. 丁丁好肥但仍好威風甘既樣。好可愛!個飯好正!

    回覆刪除
    回覆
    1. 其實佢肥瘦都可以好得戚😂😂😂

      刪除
  6. 你就好啦, 咁叻煮野食, 我係人蠢又懶.

    回覆刪除
    回覆
    1. 叻鬼,我都係懶到死,我唔係日日煮㗎!睇心情㗎咋😁

      刪除
  7. 見你出post就好開心^^
    呢種突然想食某樣嘢嘅感覺, 係如果唔去食係個身會全日痕!! <--完全明呀,我試過有晚OT完好想食意粉,返到屋企九點幾照煮!你個飯好鬼正呀~~~(翻轉頭,你個甩二代都好正XD)

    回覆刪除
    回覆
    1. 你都係為食之人!!!有d人,好似我老公呢d,對食無欲無求,有得食就咩都食,佢哋永遠唔會明為左食可以去到幾盡...hahha

      刪除
  8. 個飯焗得好靚,攪到我好鬼想食,bb好cute呢

    回覆刪除

LinkWithin

Related Posts Plugin for WordPress, Blogger...