家常便飯

 

我個人成世都係咁!吼!

排隊等車十世, 一行開就有車嚟!
鍾意一樣嘢十世唔捨得買, 一買完就特價!
後生時睇中d靚仔唔出聲, 一表白原來人地剛剛有女友..hahaha
而家又點呀!日日孭把遮, 見佢曬到癲唸住換個細d嘅手袋返工於是放低把遮, 就響我上咗車之後落雨落到能見度零!!!如果有一日我唔想雨天, 只要我帶遮出衙就唔會落!haha..

不過好攪笑, 響架小巴度, 有個男人, 可能佢突然見到出面能見度零, 突然癲咗響架車裡面開咗遮, 我嚇一嚇唸緊佢做乜春><, 但佢唔閂返把遮囉, 仲一到站就標標聲咁標落車, 結局係點呀, 咪就係連人帶遮啜住響個車門度囉, 頂你醒少少啦, 仲死都唔閂少少遮死迫出去, 真係想一腳伸落去送佢一程..hhahaha

呢排成日食街嘢, 好想食d屋企味清清哋嘅嘢囉!!跟住而家新屋呢頭買餸好煩啦!因為個街市係極極極舊式嗰d><我入都唔入, 又無冷氣, 地下又污糟, 檔同檔好近, 完全會hi污糟晒d衫囉!最最最重要係, 唔係我地頭囉!!所以搬咗之後都係去超市買餸, 但超市又點會買到我今日嘅餸吖!於是我今日就返家鄉買餸喇!

家鄉咪就係舊屋樓下啦!其實新屋同家鄉只係差幾分鐘船程, 大家只係隔個避風塘..haha..不過放工懶唔想兜來兜去, 但今日我已經決心要回鄉買餸!

勁想飲冬瓜大頭菜咸蛋湯!!!想死!終於飲到!!好好飲呀!!!

買到熟晒有白粉嘅冬瓜

去買大頭菜咸蛋時，老闆話佢自醃咗d 咸蛋，話正嘢只賣比熟客仔

真係有心漏黃，可惜我用嚟滾湯浪費咗，下次再買嚟餸飯先得!

靠水梗係食水啦!呢個魚片係手打, 每日限量, 返嚟切開焗一焗就咁食, 好正呀~(高潮眼), 嗰d牌子貨絕對收得皮!

繼續靠水食水!呢檔墨魚滑令我嘅高潮眼keep住!!好鮮好彈呀!!hahha..

唔好問點解, 總之我就好想食蒸壹品豆腐!想到唔食會有遺憾咁..hahaha

自己地頭真係唔同d!只要同生果佬講今晚食佢就會揀個熟d嘅生果比我!

平時hea爆,會連珍珠米都煲到硬, 今日好軟糯呀!正呀喂, 好滿足呀!!好7都要講句,幸福其實好很簡單啊! ~~~~~~7~~7~~7~~~~