網頁

5.6.18

一天光晒


大家好嗎? 我好好呢!

係好耐好耐真係無蒲頭, 好多謝期間問候過我嘅Blog友呢!好多謝你哋無唔記得我之餘仲記掛我呢!

eeeeee...講嘢好似唔小心斯文咗d tim!其實成半年無出現, 除咗真係因為懶之外, 咁年頭又返咗美國娘家啦, 今次同老公一齊返, 多好多嘢prepare,返嚟之後要搬屋><, 呢件事已經困擾咗我好耐唔想去面對, 需則都係搬去附近, 但本身舊屋已經住咗11年, 11年喎, 痴線!要執嘅嘢多到爆炸, 而家唸返起都覺得非常恐怖><

但最最最可怕嘅係, unpack先係show time lor!!!本身將d嘢收晒入房仔, 慢慢先散出嚟係最合乎我性格, 但我個牛老公, 前世無做過嘢咁, 誓要幾日做好晒lor!!!佢係咁散我d嘢出嚟啊!!唔得lor!!!即係迫到我都要做埋一份, 對於咁懶嘅我嚟講, 真係好想死!!!

去到第2日夜晚, 我去到崩潰因為我兩日無坐過,開始唸點解我老公要咁對我而點解我又要咁聽話?!於是我就放低所有嘢響梳化攤屍, 然後同我老公講叫佢去日本搵阿信做佢老婆!!

由day 1開始, 其實我唯一最擔心係dingding, 由運送過程, 適應環境我都勁驚有嘢出錯。對dingding嚟講, 佢由一出世已經住呢間屋,整整10年, 對佢嚟講搬屋同移民係無分別!我預佢起碼有最少4,5日躲貓貓, 肯定有幾日不吃不喝驚驚鬧情緒!點知dingding實在太太太強, 佢竟然用咗1日就已經適應晒間屋!真係好勁!反而佢阿媽我超過一星期都未得囉,有時扎醒都要唸下自己響咩地方!

好喇, 而家一切已經settled down, 真係堅攰, 但起碼有個安樂窩吖, 感覺係一個新嘅好開始, 終於一天光晒唔洗再煩! 嚟緊要重返我嘅廚房同埋要非常非常勤力咁pick up返個blog><

呢排上嚟遊blog, 好在大部份熟悉嘅blog友仍然活躍, 但都有好多突然無寫, 唔知係咪都好似我咁, 會自動蒲返頭呢!?


10 則留言:

  1. 好耐冇見喇,見番妳update真係好開心呢,搬屋真係有好多野要攪,祝新居入伙呢,最尾張相景觀好靚呢

    回覆刪除
    回覆
    1. 係今次真係有D耐啦, 以後會勤力D喇!hehe..

      刪除
  2. 見番你就好啦,祝你新居入伙之喜,以後事事順利。
    提起搬屋,我都怕怕。

    回覆刪除
    回覆
    1. 我而家唸起都驚!斷晒片,完成唔記得點解會做到!haha

      刪除
  3. 終於搬好了,終於砌好間屋出來了,終於間屋大咗D D,終於廚房企到兩個人,終於有張餐枱了,妳終於出關喇,快D寫喇,粉絲支持妳,努力

    回覆刪除
    回覆
    1. 我會啦!以前都企到兩個人, 不過郁唔到之嘛..hahah

      刪除
  4. 見番妳真好,多啲蒲頭

    回覆刪除
    回覆
    1. haha我會喇, 終於忙晒所有嘢!

      刪除
  5. 歡迎回歸 blog 場, 我都有好多次想唔再寫,但身邊我朋友都繼續寫,我咪每日撩幾隻字囉。有時睇返,會有好好的回憶。

    回覆刪除
    回覆
    1. 係,我有時都會睇返d 舊post,當搵個地方幫自己留d回憶

      刪除

LinkWithin

Related Posts Plugin for WordPress, Blogger...