網頁

23.10.17

可怕生日蛋糕

(from google search)

又到10月。10月係幾忙嘅日子, 一來會計年度埋數, 不過呢兩年頗為無咁大壓力, 都可以輕鬆應付到。二來係我親愛老公嘅生日, 亦都係我地結婚紀念日, 咁即係要傷下腦筋花下心思。


我係唔會因為老夫老妻所以hea攪嘅!我要強調, 我嘅驚喜咁多年係無重複過嘅!haha..

咁飯又食咗禮物又送咗......都未到生日嗰日...haha..
大家都知我個人幾咁無plan幾即慶, 到生日前嗰日唸住去買個蛋糕比佢12點surprise啦, 點知搭車發吽逗時突然想親手整喎...hmm....

就係咁...我就開始將自己推入火海喇.....

首先, 我係唔中意整亦唔太中意食蛋糕嘅...我整得最有把握係戚風蛋糕。
ok, 但我又完全唔知點解想整千層蛋糕...
本來,我5:00收工, 唔知點解掛住吹水吹到唔知時間5:30先走...
而我一路搭車一路唸下屋企有咩材料, eeee...好似咩都有喎!就係咁我就赤條條咩都無買就返屋企喇....

返到去, 拎晒d料出嚟....eee...低粉同紅豆原來都過左少少期喎....哦...唔驚嘅唔會死嘅..仲有d覺得自己叻真係有齊料喎, 就開始上網參考下人地d recipe 先..好喇, 開皮喇!

先將240g低粉同10g綠茶粉mix埋過篩先, 其實我好憎做過篩呢個動作...再加少少鹽同埋40g糖倒入

跟住逐少加入3隻蛋


跟住加650ml牛奶...仆佢個牛奶, 原來屋企得200ml!!!!即刻奪命狂奔落街買!!加啦, 加啦....點解咁死稀嘅!!!!驚驚驚...

又要將d泥漿過煩篩><

去到呢個泥漿摔角嘅時候...已經7:00喇!!!我老公8:00返架><本來人地要放入雪櫃1個鐘, 頂, 邊有時間!!!我就放入冰箱30分鐘算!!

呢個時候就打cream啦!整戚風都落Cream嘅, 所以係第一次做打cream呢個動作, 呢住好似打蛋白咁easy job...於是...唸住照recipe打400ml cream, 一開雪櫃,仆你個cream又係得200ml, 仲要用左少少!!唧到個盒扁晒都係得咁多><


響呢一刻,熟悉整蛋糕嘅你, 係咪已經get到我正在瀨嘢!
ok, 我唔中意食cream嘅,少就少啦..(自我催眠)..
好啦拎部出嚟打啦...打打打...打打打...無料到!!!!!即刻上網睇教學,要座冰?!無冰喎!!!直接放入冰箱冰到佢變化石得唔得呀><

等d cream變化石期間, 拎返d泥漿出嚟煎喇!
嘩, 好死稀呀!!!好很難煎呀!!okok....第一塊例牌失敗..okok..haha

好喇, 第2塊勉強ok嘅...但都係好死難煎...跟住我就開始唸...明明我自己有自己嘅pancake食譜...明明好好食好好煎..明明明明...之後就係咁好快煎晒, 但得好少塊囉..唔唔

好喇, 又拎返d cream出嚟, 表面結左冰la wor!好喇又打打打打打打....喂呀!!我想死呀!!睇下個鐘,wtf!!!就8:00!!即刻打比老公話佢知無飯食, 叫佢求鬼其買外賣返嚟..跟住再打打打打打...頂, 放棄呀!!!

我老公已經撤但回歸喇><惟有哀求佢唔好入廚房唔好偷睇!!
好喇要嗱嗱聲喇!唔緊要, 用少少液體cream當有cream味, 再加d紅豆啦, ok,太少皮就直頭逐對摺再飛邊, 再嬸d綠茶粉上面應該都見得下人嘅.....

唔唔唔....當初我認為嘅千層蛋糕係咁嘅.....

而我整嘅係咁嘅.....=.=', 我仲要用咗3個鐘去整....

唔緊要!!一年一次, 開心就得喇!按原定計劃, 響12點拎個「蛋糕」出嚟比個「surprise」我老公!

點知我老公沖涼成世都未出嚟......等到燒完都未出...我同dingding好似兩條傻仔咁響黑暗中拎住個比火把插住紙皮咁嘅樣嘅蛋糕響度呆等....

當然我老公好驚訝我送堆紙皮比佢...hahahha...咁佢話個橫切面ok嘅(仁慈)...hahah..咁我唸, 呢個跌入火海3粒鐘都算無白過....

突然佢話..eeee...無cream嘅!!!嗰一刻...我唸起華仔...乖你就唔好問=.='
(From net)


第2日我老公send左張相比我....佢竟然隔咗夜仲食!!仲去左買支cream返嚟加工!><我不嬲都話我老公對我有超乎想像嘅容忍力, 但我唔知佢去到失去理性嘅程度...hahahhahahhahaha..okok...之後我同事同我講基本上light cream係極極極難打, okokokok, 我永遠都唔會再打cream><!

結婚周年禮物, 本來我淨係要求一副響屋企戴嘅新眼鏡, 點知我老公話因為我整個「蛋糕」太辛苦可憐, 咁佢又見我支香水就快用完, 所以去買支香水「慰勞」我喎... hahahhahhahaha

至於我, 請左佢食餐勁之外, 好實際地送咗對鞋比佢啦, 另外仲送咗個由我主理嘅「專業美容套裝」比佢..haha...好似無誠意咁, 因為本來我唸咗好耐唸住送頭盔比佢, 點知比我老豆知道左, 佢爭咗嚟送囉!!!!唉事但反正受益人都係我老公, 佢自己揀款好鬼開心呢!















11 則留言:

  1. 辛苦過程係一種體驗,另外我第一次食紙皮...哈哈哈
    㸃都好,多謝呀😚
    無人記得妳喇,唔好浪費咗個網誌呀,快D加速生產啊。

    回覆刪除
    回覆
    1. 我而家仲呢緊點樣消滅你支cream!
      無人記得我都無法><,你知我而家幾忙啦, 我會盡力><

      刪除
  2. 好甜蜜啊!心意第一呀!

    回覆刪除
  3. 我記得妳的結婚紀念日同袁太一樣都係10月呢

    回覆刪除
    回覆
    1. 袁太, 其實我都記得架!

      刪除
  4. 哎呀,一路睇一路忍唔住狂笑XDD(尤其是你個D「仆你個X」)
    Light cream真係好難打架,通常我用嚟煮下餸或者就咁撈個D甜品~~不過唔緊要啦,心意搭夠~~
    PS其實我成日整嘢食都係理想與現實不符:P

    回覆刪除
    回覆
    1. hahah...嗰日係好痛苦, 好捉蟲><
      你整d嘢咁靚, 就算幾不符都唔會差咁遠><

      刪除
  5. 好耐冇見啦,你去左邊呀?

    回覆刪除

LinkWithin

Related Posts Plugin for WordPress, Blogger...