追加返外家

大家好呀!我真係好無嚟搭烚, 上篇返外家1就無咗下文..hahha..

因為響外家嘅日子真係可以完全地hea, 攞正牌懶到出汁!
而且返到嚟除咗為工作執手尾, 亦為我嘅新工作努力, 每日都好充實呀!

每次返去唔洗講緊係好開心啦!而且天氣又好, 頭一星期連羽絨都唔洗著!好鬼開心!去到後期, 都係落過兩場大雪, 都有成14吋, 唔出得街, 不過自己近近地行去買下咖啡都好嘅, 而且因為之前係咁出街無時間睇電視, 於是就響落雪嘅日子同爸媽一次過煲晒6日x3套嘅劇集, 全日就係睇,食,睇,食, 睇,食, 睇, 食......都好滿足呀!!

咁第二日起身就要剷雪了, 我老豆好怪雞, 明明買咗電剷雪機比佢, 佢又要懶pure用剷剷攞苦嚟辛, 係喇知你叻叻喇=="咁做女嘅, 扮嘢都要幫下手, 咁明明講好咗9:00先起身剷, 雖然我知我老豆係軍人好有規律, 約人1:00會12:15就到, 12:30到已經覺得自己係遲, 喂頂都唔洗6:00就起身剷雪, 嘩如果我真係9:00起身咪又變咗仆街女!!!><咁我媽見勢色唔對就7:00叫醒我, 妖我勁扯火, 因為佢已經剷咗一半, 妖唔等我><, 咁我為啖氣都一齊用剷剷, 頂剷到尾聲我鬼迷咁頂唔順衝咗上樓瞓..haha..陰公我4:00am先瞓咋..hahha

嗱我(有份)剷嘅堆嘢! 

嘩會唔會跌落嚟架?

嘩一早起身空氣好清呀,d雪好新鮮 !

出師不利, 一跳出嚟無為意有深度, 跌咗隻手(套)=="

其實我媽鬧咗好多次, 因為我成日都就咁著人字拖就行出去....方便嘛..hehe...不過話時話, 我真係冷氣狗, 我除咗條氣管外, 其實成個人都勁抵到冷,-10度,我真係就咁著拖鞋加件衫就行到出去..hahaha

行去買咖啡, 需則有密集恐懼症, 但覺得好靚好新鮮都影咗落嚟

我地仲要咁鬼凍死咗上山, 因為大妹結婚時我趕唔切過去, 佢突登帶我去參觀一下個場地, 好靚呀!

如果係春秋天就好靚嘅花園!不過而家只有雪..

山上真係堅凍, 這個唔係玻璃樽,係冰

今次好開心, 因為買咗d好抵嘅鞋(藍色係我老公嘅), 本來我妹又話中意要買, 點知我媽話只有我呢類麻甩佬先可以handle到麻甩鞋, 重點係因為我個頭大先可以handle到咁大對鞋, 睇落平衡d喎!=='成日比人串我大頭怪嬰.....><

我真係覺得我媽好變態, 因為我只係煮咗幾餐都手跛, 佢成日都煮咁多人份量, 仲要個個黑洞, 勁!

本來今年打死都話唔買嘢比我老公, 因為鑊鑊剩係買比佢,用晒d位, 無買比自己...頂, 我好賤骨頭, 我同我d家人知佢好中意迷彩, 又忍唔到手, 最後佢d嘢差唔多用咗一喼><, 齋睇喼仲以為係軍人退役...hahhaa

last day嗰日因為搭凌晨機, 可以行埋街街,家人請我食埋日本嘢,食埋糖水先慢慢去機場!

咁當然, say bye始終唔捨得, 但而家每年都見到, 重要係個決定權響我手, 個心都定好多, 只要知道有下一次, 今次就唔會太傷心!返香港努力儲下錢, 下年再嚟過!