網頁

26.1.17

返外家1




哇哈哈,我已返咗嚟外家。我已經好掛住dingding喇!😫
好lucky,唔凍,大約3度,對我呢d冷氣狗嚟講好正呀!又唔洗著大舊羽絨,有頸巾就做得人!

我好傻仔,我唔記得年年都係新年返,但今年係新年“前”返,所以成架機full到痴線,我都係第一次有人坐隔離..haha..但極好彩攞到第一行,可以完全伸展雙腳!

跟住過關都有攪笑嘢,咁前面有4個大媽,完全唔識英文又唔識程序,其實佢哋係可以一齊過,但佢哋打散過,一個玩一輪,個移民局叔叔已嬲嬲豬煩死,點知到第二個時第一個又唔走,同後面3,4一齊叫hill,其實我都唔明因為佢哋係講緊鄉下話,突然聽到姊妹兩字,我同隔離line個女仔一齊叫咗出嚟比移民叔聽..hahhaha..佢即刻get到佢哋姊妹情深死唔肯走,即叫翻譯過嚟ko佢哋!嘩頂呢度阻住我好耐囉頂佢!跟住到我時,移民叔懶攪笑問我係咪都係佢哋姊妹,嘩我尖叫因為佢哋都W係老人!haha..大家吹兩句水佢仲話你哋又好啦,新年咁多假,我哋我一日咋..hahah...半分鐘放行 yea!

到最後過海關時,遞完海關申報表唸住走,海關話你個表寫一個人嘅,我係呀,佢指住我後面,嘩唔係有鬼呀!真係有鬼,不過係鬼仔,唔知點解響我隔離!我話我唔識佢,點知講完個細路攬住我隻腳,無嘢呀!海關問係咪我個仔,喂大佬好明顯唔同色,呢個時候佢媽先後面施施然死過嚟認仔,妖阻住阿姐!就係咁,我落機至出閘用咗兩個鐘!!!

第二日一早起身就去小shopping,因為大shopping要等埋大妹放假細妹響加拿大返嚟先搏殺!

第一樣shop嘅唔係比我老公,係dingding,一見到個貓窩就好想買!!好舒服呀!

唔係瘦先要增肥,肥都可以再增肥變成太上肥..haha..精神食糧不可少!

返去要幫媽刨蘿蔔整蘿蔔糕,不過我係唔食蘿蔔糕嘅!

等埋妹同妹夫返嚟,打邊爐!call me太上肥!


16 則留言:

  1. 影多D地方風影呀,睇吓唐人街氣氛,燒爆仗,哈哈
    唔知有無呢😎

    回覆刪除
    回覆
    1. 想死呀響唐人街!好塞車無位泊😣

      刪除
    2. 平時唐人街都已經難搵車位,妳撞著初一、初二,會封街燒炮仗,花車遊行,當然勁塞車兼更難搵車位

      刪除
  2. 乜原來你唔食蘿蔔糕架?

    回覆刪除
    回覆
    1. 其實應該話唔中意白蘿蔔,有時d齋舖粉多過蘿蔔就會食..haha

      刪除
  3. 我諗Ding Ding都好掛住你,唔知你去咗邊。。。

    回覆刪除
    回覆
    1. 第一次就有depress,而家呢幾次就無咩😏

      刪除
  4. 妳竟然買啲咁“丫”喼既嘢,咁妳仲點狂買呀

    回覆刪除
    回覆
    1. 貓窩唔丫嘅,d零食係響度食㗎hahhah

      刪除
  5. 回覆
    1. 係呀早排太忙,過嚟可以暫時放低香港d煩嘢先!

      刪除
  6. 太上肥!!!!!!!!!! 你就好啦又飛返娘家玩!! 你一個人飛!? 3件大行李! o.O

    回覆刪除
    回覆
    1. 係呀一條友,下次先同老公,佢無咁多假,兩大一細行李ja!新年快樂呀,過肥年!

      刪除
  7. 好感受到你嘅興奮心情呀太上肥!ENJOY~~~
    係香港過年都會不停食嘢,我都唔敢上磅住XDD

    回覆刪除
    回覆
    1. 其實見到阿媽都係不停食嘢,肥死!我都唔敢磅重!

      刪除
  8. 你過關嘅奇遇好攪笑.
    新年快樂呀!

    回覆刪除

LinkWithin

Related Posts Plugin for WordPress, Blogger...