我返嚟喇!

無update好耐, 我歸隊啦大家!
呢兩個月發生嘅事好叉煩, 不過煩嘢遲d先講喇, 想逃避一下現實, 都係唸下d開心嘢先, 反正煩嘢唸唔唸都係煩ga la!><

踏入12月, 可以開始plan下我一年一度嘅回娘家嘅大日子喇!! lalala....其實我早於8月已經買咗機票, 唔係因為歸心似箭, 而係前幾次其實我都係因為要就自己返工日子而焗買貴飛,所以今次一早已吼住!但其實我係豬咗啦, 第一, 雖則我而家買係平咗, 我買前睇住佢本來有幾個日子都ok平, 變下變下得返一日係平,嘩頂梗係即買啦, 點知去到上個月11月我上國泰睇, 頂, 我嘅前前後後日子都平囉!!!早知係咁就唔洗一早比佢限死咗嗰日飛啦, 因為我為咗咁樣而提早咗收爐, 年廿幾就飛走...第二係, 當我一買完飛後無耐, 頂佢話新制d行李可一致提升至30kg x 2, 但我呢d一早出咗飛嘅係唔包括囉!!!!我而家係23kg x 2, 嘩對我呢d鑊鑊爆喼嘅人, 多7kg x2係幾咁可貴!!!><

其實我對我老公有d內疚嘅, 因為連同佢行花市都無, 不過佢話其實唔中意行, 以前行都係陪我喎...hmmm。其實我今次好盡力咁想同佢一齊去, 但我真係解決唔到搵人照顧ding姐嘅問題, 最主要係因為農曆新年, 叫人嚟我屋企同將佢放人屋企都唔方便, 不過我已經promise咗我老公, 下年會安排好晒一齊去, 所以下次未必會農曆新年去了><, 不過佢都係話絛咩所謂..hehe


講下dingding先, 唔知係中年發福定凍天生毛, 呢排好似肥咗咁, 不過之前覺得佢開始年紀大, d腳好似無後生時咁好力, 於是買咗d天然嘅supplement 比佢係for 骨, 食咗幾個月果然有勁好多, 食得多, 玩得多, 亦肥得多!hahha...

長期好似欠咗佢咁, 只要我響房, 廚房, 廁所行出廳, 同佢一有眼神接觸就迫我比佢零食, 你唔理佢, 佢就勁長氣叫到你比佢為止, 如果我鬧佢就會扮晒受到大冤屈咁伴住包零食!

嘩呢d眼神吖!!!!拍mv呀?!

如果我仲係無感覺, 佢會直頭霸理硬上脾!!!

臨時演員都係演員, 專業d好嗎?!你唔係要零食咩?瞓著咗?!好痺呀我大脾!!

有一日見佢響廳瞓緊, 突然好似標童咁衝咗入房, 嘩唔係有鬼呀...

哦, 原來佢老友大麻鷹又嚟探佢!鷹兄, 我真係好想睇下你對鷹眼, 可唔可以唔好每次剩係睇尾?

又有一日, 佢定型咗好耐, 唔通佢以為自己係神定係cat woman??(請漠視爛拖鞋..)

ding神 : 我行緊神績唔通又要話你知咩, 我係嚟打救你呢個廢世人....