網頁

28.12.16

低頭族



d人成日都話電話呀,平板電腦呀係電子奶咀, 係咪一個好現象呢我就唔知喇, 反正我又無細路...但點知...點知...

上post咪提到我家dingding呢排變咗債主, 晚晚都好似欠佢咁, 得我同佢兩個響廳嘅時候, 只要一有眼神接觸就會狂叫我比零食佢食, 當然鬧爆佢或者完全當佢透明或者離開佢視線範圍都會收嗲嘅, 但因為已夜深廢事嘈醒我老公,所以就只有乖乖奉上零食。

雖然我每次只會大拿拿比1粒佢, 但唔想佢成日都食零食, 有一日, 突然唸起download咗個比貓捉老鼠嘅game比佢玩, 睇下可唔可以轉移視線。


好成功喎!

好專心!終於可以靜下!

好低能, 唸住從後偷襲隻老鼠!haha..

就係咁, 我覺得佢開始上咗癮, 變左任何時段都瞄瞄瞄要玩!!呢張係我一起身就比佢瞄到要開比佢玩!><

咁樣唔係辦法, 我又無機用, 佢又成日哄到部機埋一埋, 對眼唔好, 於是我就唔再開個game比佢玩,但變咗....變咗我用親電腦都狗衝過嚟share睇!!!!!

見佢睇文字都咁專心, 好似好慘咁,咪開d貓貓片比佢啦!

唔知佢其實唸緊咩呢?

其實睇得好專心!!

睇bb貓飲奶睇得好激動!

頂!!!!咁樣我嘅結局咪又係無機用!!!!算點!我唔想睇貓片!!


8 則留言:

  1. 好投入喎! 比部電視機佢玩啦!

    回覆刪除
  2. ding ding真係好投入喎

    回覆刪除
  3. 買部俾佢玩啦!

    回覆刪除
  4. 嘩~估唔到貓咪都會變低頭族呢!

    回覆刪除
  5. 下次教佢打字,可以幫手留言……哈

    回覆刪除
  6. 變咗港童,哈哈

    回覆刪除
  7. 唉,你體諒佢啦,佢冇得出街,好悶㗎

    回覆刪除
  8. 哈哈~變了new toy!😂😂😂

    回覆刪除

LinkWithin

Related Posts Plugin for WordPress, Blogger...