天啊!究竟人生仲要煮幾耐!
呢個星期, 已經開始正常返工不用再home office!亦都唔需要輪返喇!
終於可以同同事合體好開心啊!一個人響office嘅感覺真係dry到爆炸, 有同事一齊時間都過得特別快, 但係我竟然覺得要重新適應呢樣嘢!
雖然之前都係呻好想返工, 但由農曆新年放咗十幾日年假後就一星期只返兩三日公司, 其他時間近乎所有時間都留響屋企, 雖然響屋企嘅日子都馬不停蹄咁做家務煮嘢咁, 但而家返返工又好掛住阿太生活...hhaa...頂佢就係自然醒呢part就已經令人精神爽利啦...hahaha
呢排真係煮到好絕望, 我發現我已經短時間重覆自己!我真係又d嫌食自己煮嘅嘢!好想食街嘢, 好想食味精啊!HAHAHA..
我呢排真係煮咗好多ga!
整咗兩次壽司!
第一次壽司整剩嘅料,第2日加埋欖菜用咗嚟炒飯
第2次整壽司又整剩料,第2日用嚟舖飯面又當一餐!
將甘荀攪碎個樣好似蟹子!不過用鑊整蛋餅真係有d難度有d樣衰!haha...
蕃茄蛋又係重覆咗NNNNN咁多次
呢1日好有心機整咗咕嚕植物雞
Ref. : 西班牙植物雞
有日已經去到完全唔知想點, 9588整咗芝士焗啡菇,蒸現成素燒賣, 焗芝士年糕同埋薯蓉,極度9588..hahaha
好明顯樣樣都好滯,剩返d薯蓉,第2日加d雜菜粒煎做薯餅,但因為本身係好軟身嘅薯蓉,所以煎得極樣衰!但我老公又話好食wor!hahaha..
其實我想講呢,我由細到大都好中意食腸粉, 點樣整嘅腸粉我都中意食, 呢個3色椒雞蛋煎腸粉好好食啊!但....都食咗好多次了...
屋企無小朋友嘅好處係, 你真係想幾時食餐垃圾都得, 一人一個麵/米粉, 求其火腿煎蛋share食又一餐!haha...
當然唔少得我老公最拿手嘅罐頭粟米湯啦!hahahhaha
唉, 今晚又唔知煮咩好喇!
一post一花 :
好清啊呢扎花,原來細百合仔都幾靚!
其實妳已經好多新意,都唔見妳之後教我哋整嗰啲
回覆刪除費事重複嘛,其實太耐無出街食真係好掛住街d味
刪除我都成日唔煮乜架,好在家人都唔介意我整乜,你都好多煮意,睇來你要求高啫。
回覆刪除其實我同我老公都無咩要求,只係希望唔好短期內太快又食同一樣嘢ja😂
刪除半夜三點畀我睇到呢個post,想點呀?😭🤣
回覆刪除🤣🤣🤣🤣半夜大忌睇食物啊!
刪除你已經好好, 我都煮到無晒新意, 但家人吾喜歡日日菜炒肉, 為有花D心思😊
回覆刪除係啊,一唸嗰日食咩就成個腦空白一片!!惟有上網抄考人食咩😂
刪除我係超中意睇你D餸呀, 又健康又顏色靚, 除左唔係芝士之外, 我D口味同你好似.
回覆刪除我真係唔可以全素, 果日冇食肉, 未放工已經好餓好餓, 餓到發嬲, 唔想食咸都食左一大碗酸辣米線.
多謝你啊,有機會真係要一齊出嚟搵食!😂
刪除可能我成日食澱粉,我又唔覺得因為唔食肉而好快肚餓,不過我都係一肚餓就會殺人!!😅
究竟仲可以食到咩好嘢,妳煮咩都甘好食喇👍
回覆刪除嘩你咁識講嘢,想唔煮都怕對唔住你啊😂😂
刪除唔係呀,都好多款!我都好中意食豬腸粉架^^
回覆刪除P.S.其實我麻麻地home office,仲忙過返工-.-