好多謝大家生日祝福呢!
上篇提到我老公, 大家都覺得我地好sweet, 其實我想講, sweet我就一d都唔覺喇, 攪笑就反而係更啱嘅形容詞!
早排繼d人搶廁紙, 之後又有人話搶m巾, 咁我同我老公講開呢件事, 其實都係得啖笑, 點知佢返到嚟真係去買咗!呢個並不是重點因為佢平時都會買, 重點係佢將兩盒女性用品就咁夾住響格肋底行返嚟!!!hahhahahahah....一開門笑到我爆炸!!我自問自己係女人都做唔出!!!佢真係好化境!!!hahahha....
所以我真係唔覺得我地sweet,但我地嘅生活真係好多攪笑嘢囉!可能我本身笑點低, 其實有時D嘢都係得我自己笑,但我寧願一生人大部份時間都可以笑,都唔想要嗰d浪漫生死戀!hahhaahha...
好喇唔講條蛋散喇!講下食先!呢排少咗出街,多咗響屋企煮, 有時只有返工嗰日先會去買餸, 已經技窮+腦閉塞!有日見阿媽post晚餐, 佢話佢嗰日好忙煮得好求其, 佢話一唔得閒煮+腦閉塞時就會煮呢個餸,簡單又好餸飯, 呢樣就係豆腐蒸雞蛋!ok!copy!
真係好簡單!材料只係一盒軟豆腐,3隻雞蛋!
軟豆腐整碎晒先!
蛋打勻+胡椒粉+蔬菜粉(OR雞粉),少許油, 大約2湯匙奶(阿媽無落,但我覺得落少少會滑D)
倒入豆腐撈勻(我用特濃蛋所以較深色)
大火蒸15-20分鐘, 食時淋上滾油豉油
好正, 又有蛋味又有豆腐味!
15分鐘之後.....HAHAHHAHAHAH
我覺得容易過蒸水蛋, 因為蒸水蛋10次可能有1次會失手, 呢個又唔洗量水, 時間又唔洗咁精準,包唔會失手,真係好方便!
呢個我有時都會蒸下。
回覆刪除我屋企冇餸時我就會蒸水蛋。
真係服咗你老公。
生活開開心心便好，人生苦短呢阿。
最慘我有時蒸水蛋會失手😵
刪除其實我都服咗我老公..haha
個蛋好正呀.
回覆刪除你老公係國民老公啦, 可以同你買M巾真係少有架.
國民老公.hahahahhahahha...笑鬼死，佢已經去到化境
刪除妳屋企條蛋散成日引到妳笑就夠sweet啦，加埋豆腐又真係好正喎
回覆刪除死喇我真係唔覺sweet,可能笑中帶有恥笑成份hahha
刪除你老公堅勁喎，我都唔敢！
回覆刪除佢已經去到神級化境，我哋呢d凡人識春咩..hehe
刪除別人看我太瘋癲，我笑他人看不穿......我祇當它紙盒一個😎
回覆刪除呢個餸加D新豬肉可能仲正👍
好嘢好嘢，小弟甘拜下風!!
刪除加咩新豬肉同豬肉餅有咩分別？
係愛呀瑪莉！😆
回覆刪除補祝妳生日快樂，每日都咁開心＋靚爆🌷🌷
回覆刪除今晚照抄妳個餸😀