老喇老喇

又老一年喇!過咗30歲後, 我發現我自己,成日都唔記得自己幾多歲..hhahhaha....唔係話以為自己年年25嗰d低能嘢, 係人地問你你要唸一唸計一計嗰d。我今年都係生日前幾日都係fd問我幾多歲,我講完佢先話我以為我大你兩年,原來係3年咩?我先計下,e係喎!你真係大我兩年喎hahhaha...

同埋呢,而家愈來愈唔記得自己生日, 有日我老公同我講,12號嗰日佢請唔到假陪我, 我表面應咗佢, 個心其實黑人問號!haha...唸咗幾分鐘先醒起, 係喎!我生日喎!跟住先行出去大嗌攪錯呀,我生日都唔放假!!hahahah...其實......我自己都要返工...我亦唔會請假...

其實以前有時我會生日請假, 總覺得生日唔應該工作, 又覺得生日應該比人圍住, 驚死人唔記得,會提身邊D人..hahha...但而家我好幾年前響fb個生日reminder都hide咗lu。

其實, 對生日同年紀都唔再上心係因為我每日都過得好開心, 每日都覺得比幸福包圍住,咁樣已經非常非常足夠了!

我老公問我今年想去邊度食, 我掙扎咗好耐, 因為我而家雖然好返好多喇,但始終唔係100%, 仲係有d虧, 我真係唔想呢個時候響外面除低口罩食飯,所以都係響屋企求其食算lu.點知又心思思去大自然素食fb昅昅, 可能因為好多人都好似我咁, 所以佢地由2月開始外賣自取半價!!哇!!好少見佢地做半價, 亦唔知佢地有做外賣, 唔係仲唸呀!!gogogo!!叫老公第2日放工去銅鑼灣買啦!!!因為呢間分店係最好味嘅!

我嘅最最最最最愛!!沙爹羊肉串!我次次一定order,我食過好多地方都係用冬菇整但呢個唔係!而且個沙爹整得好好味好香!

偽3文魚, 無味嘅, 貪得意叫,唔係半價我唔會order, side錢!個樣蒟弱扮得好似!

陳皮骨!呢個我以前食過覺得好好味返屋企都copy過, 好味啊!

炸豬大腸!!!呢個係響openrice見到人食, 好攪笑!!其實口感都好似!!

軟殼蟹卷, 太似!我完全估唔到佢炸嗰舊軟殼蟹係咩, 好似係紫菜

仲有鴛鴦炒飯唔記得影,都係我最愛!

我老公話嘩樣樣都咁似肉, 好齋口唔齋心喎!

其實, 我唔知點解齋口一定要齋心..haha..總之我就係想食我覺得好味嘅嘢..hehe

同埋呢我真係覺得, 就算無人工, 我都好想去大自然打工做學師, 好正啊!我之前食過一d嘢太好味問廚師秘技,廚師真係有答!雖然無見過佢樣, 但真係好nice!!!e....點解我好似賣廣告咁嘅...hahah....原諒我真係餓咗太耐無出過街食飯!!

當然唔少得蛋糕, 但其實我唔係太中意食蛋糕, 叫我老公唔好買一個, 不如買兩件唔同味。栗子一定係我必食嘅, 另一個係海鹽焦糖, 我老公一早熟晒我口味!

一post一花,

今次扎花有d特別, 係生日老公送嘅。其實不嬲佢要送花都會係同我去揀, 佢只負責比錢, 因為我覺得佢會襯得樣衰所以我一定自己去襯...hahha...

雖然我講咗幾廿次最憎玫瑰, 但當我一打開門見一個大男人傻傻拎住扎花+蛋糕, 就算我係一個幾死港女, 幾奄尖聲悶嘅人都好, 呢一刻就算係就算佢送劍蘭比我, 對我嚟講都一定係全世界最靚。

後記 : okokokok, 浪漫過後, 死港女仍然係死港女, 我老公呢份心意我當然接受, 但花店老板一定好身痕好耐無比我鬧過, 平時我去親可能我次次都買好大扎又唔問佢價錢, 加埋如果佢比唔新鮮嘅花我會掉頭走, 所以我每次去,佢都會攞新鮮未開封嘅花比我揀,。佢竟然扎一扎襯得咁弱嘅花比我老公, 有一枝仲係爛嘅,睇嚟我下星期去買花時要帶埋我老公去隆重介紹比佢識先得!!!哼!