其實呢,
我好中意食澱粉..hahah...所以我肥, 但係我唔會理..hahha...
我平時好中意食米粉, 不過我老公又唔中意食, 但都係嗰句, 邊個煮就跟邊個口味, 我唔會理佢..hahha..
咁星洲炒米, 講真我好少響街食,咁太油就梗啦, 我唔怕!! 食得好味我唔怕食, 而係我嫌d米粉唔夠幼。
自己整呢, 我只可以話唔難食。要整到一碟像樣嘅星洲炒米一d都唔難, 係人都做到。但要整到一碟出色嘅, 只有我阿媽做到!!HAHAHAHAHHAHAHAHA....sorry...呢個係擦鞋仔時間, 因為我媽媽都會睇我個blog嘅!!
講真我阿媽真係整得好好好好食!我要求嘅星洲粉米, 要唔油, 要乾身得嚟要juicy(hahhaha..唔識講), d米粉唔可以淋, 要彈牙,要幼但唔可以整到斷晒...我唔係好識點講, 總之連我老公都添食我阿媽嗰d咁啦。響電話問阿媽問唔出d咩, 之前返外家終於醒起叫佢整一次睇下!佢係有秘技嘅,同埋一字記之: 勤力!!
我整得唔好食, 除左因為我無料到外, 因為我太懶!
好喇, 睇下我媽嘅方法有幾勤力喇!
首先, 米粉用凍水浸開(我以前懶係用熱水, 原來係重點)
*仆佢個街,超市d貨比人搶晒之後仲未100%補返貨, 得一隻糙米粉,照買!ok wor!!!好幼,原來呢隻好正!
餸嘅嘢好死, 不是重點, 因為醉翁之意只在粉..haha...我有蛋絲,火腿絲,甘蔔絲。我老公就再加埋蝦,蟹柳。所有餸整熟先。
汁料有咖哩醬,咖哩粉,素蠔油,糖, 水。
show time, 勤力開始!
其實就係用中慢火用少少油慢慢將d米粉兜熟, 一路兜一路"樣"散佢, 呢個動作係會手破, 差唔多炒到佢開始軟身, 係唔停, 因為停就會痴, 大約20-25分鐘。好很攰!所以懶到仆街嘅我炒炒下將佢剪短d就唔洗樣開,之後我老公問點解d米粉咁碎, 我話唔知呀!收聲呀!...hahahaha...比人揭瘡疤即發爛嘅死港女是我!
ok,開始軟身時,就分2,3次加入d汁料
最後將d餸回鑊兜勻
熄火, 跟住好重要!加入酸瓜, 無酸瓜可加入少少白醋!好重要!咁樣成個星洲炒米嘅味係會提昇晒!!我媽話係一個廚師教佢嘅!
想食好嘢係要付出代價, 唉自己整過先知手破, 次次返美國最少叫阿媽煮幾次, 而家先知原來咁辛苦, 阿媽仲要煮5人份量, 唔係普通5人, 係其中幾個人係黑洞, 肯定炒到手斷!其實我真係一個仆街女><以後要煮返比阿媽食!(擦鞋仔時間又嚟!haha)
睇真d 好攪笑!!!
有一日,見佢d毛好有光澤唸住影低佢..
點知, 原來佢睇緊神跡...hahhaha
超力真係好幼,你炒得好靚。
回覆刪除我覺得山竹米粉係最易炒。
真係好幼其實我都係第一次買!山竹米粉未試過,見到有貨買嚟試下先!
刪除原來咁多技巧,多謝你分享呀^^
回覆刪除P.S. 我都好中意食澱粉!give me ten!!!
你食澱粉一定係食包包!!我就多數食粥粉麵飯!
刪除其實飯麵我都啱架,哈哈~~
刪除澱粉質真係無可能戒得到囉,好似炒糯米飯咁要不停咁炒,咁攰既嘢,真係唔好預我整,我情願食街外的
回覆刪除你話生炒燸米飯?我係蒸咗先炒, 出晒貓..HAHAHHAHAH!!
刪除真係好多工喎, 伯母真係好叻!!!
回覆刪除我都覺得佢好叻仲好勤力!!我就懶lu..
刪除曾經試過一年戒澱粉,感覺很好,但轉公司後壓力大食慾多了,又找不到素食店,沒辦法。
回覆刪除嘩你咁勁嘅介到一年!!我唸我唔得, 我會發脾氣!
刪除其實我呢頭都無咩素食店,亦都無咩素冰貨,惟有上網買屋企煮啦,其實我都唔想日日煮飯好煩!
伯友好好整咁多好嘢畀你哋食, 佢見到你哋食得開心佢就開心
回覆刪除你個都整得好靚係碎咗少少😄
神蹟~好靚呀✨
你完全道出我媽心聲!!平時佢地得兩丁友食得簡單, 一到新年我地班黑洞返晒去, 佢見到我地又嘈又爭晒食咁我知道佢都開心, 所以我點都會食到碟碟照晒鏡咁..hahha
刪除我係炒得好碎!hahhahaa.... 太攰太痛苦!
下次試吓加青紅椒,D味多原化,一定要多芽菜呢,最多炒完我夾走D椒囉🥢
回覆刪除你做咩唔食咗佢要夾走晒佢?hahahaha..
刪除