有時,周遭環境會令人好洩氣,令人好扯火,令人好沮喪,最仆街嘅係就算你有咩感受,除咗自我乾煎,其實做乜春都無用。
但人最緊要就係positive,我會完全抽離現實,做一d好費精神嘅嘢,盡量響第二d 地方消耗心神,例如砌我嘅麻煩積木,每砌一粒都要另外上螺絲,上螺絲呢個動作絕對乏味煩厭,但真係令我逃避咗現實一整個下午...
Ding姐一路都虎視眈眈, 佢醉翁之意只在膠袋, 膠袋係佢一生最中意嘅「食物」!
仲想厘埋伸隻手出嚟勾走個膠袋!!古惑得佢吖!!
所以我屋企收得最密唔係錢, 係膠袋!!
好啦, 比我軟硬兼施完, 明知無可能成功就去咗瞓啦!!仲瞓到溶入家中咁款, 但其實係煙幕嚟!!!
見呢排咁乾, 煲咗個桃膠雪耳煲牛奶, 入廚房睇睇火....
我發誓行開咗10秒都無, 聽到個廳有異聲,擰過去....仆你個乖!!!唔係瞓緊咩?!?!你食膠袋就食膠袋, 唔洗咁毒好倒唔倒,倒全SET最細粒包螺絲?!?!?!WTF!!!!仲要係兩隻顏色一齊倒?!?!呢排明明一日比你食足5餐?!?!
唉....仲有少少,留返下次逃避現實再砌埋佢 😘
仲要雙手奉獻零食比兇手, 唉....好卑微啊!
之後入廚房,慢慢洗洗切切煲個湯,再去整個平時嫌麻煩嘅餸。
平時返工,唔會浪費時間做太多洗切嘢,但當你想逃避時,間屋靜靜咁,慢慢做好手上工作,反而唔覺煩。
用刨刨到西芹一條筋都唔剩
用100℃焗香腰果
帶子洗好索乾用少少蒜鹽醃下
先煎香帶子備用,原鑊用蒜蓉蓉兜炒香西芹,加酒,糖,鹽/蔬菜粉加蓋焗一焗,帶子腰果回鑊兜勻食得。
今日呢個post 好燥呀! 飲多兩碗桃膠雪耳糖水啦。
回覆刪除haha...都唔係好躁JA, 就算係最多都係一陣子
刪除啲貓係咁蠱蠱惑惑架,做咗曳嘢又唔捨得打鬧
回覆刪除所以一日奴才,一世奴才..HAH_
刪除你真係好有心機砌。
回覆刪除Ding姐曳曳呀!
真係要好有心機, 不過都可以訓練下我最缺乏嘅專注力
刪除同意!我覺得都唔係逃避,係的確需要一間空間去抖下冷靜,畢竟生活仍然繼續,要俾個出口自己停停再行一步~
回覆刪除個餸炒得好靚呀,糖水又夠潤,正!如果DingDing再生性D就prefect啦……
dingding其實都算好生性, 令我發癲嘅比密度都唔係好高..haha
刪除叮叮同妳一樣咁醒目🤣🤣🤣
回覆刪除我中意食腰果呀,碟餸好好味,西芹又降血壓,good 👍👍👍
dingding梗係醒, 有其母必有其女!hahha..
刪除下次再落多d腰果!
真好心機砌呀, 你心意揸車?
回覆刪除你個帶子超正, 我又要學下, 不過, 冇焗爐烤腰果. :(
可以唔用焗爐, 用白鑊細火兜都做到同樣效果
刪除我買左帶子喇, 放假希望有時間整啦.
刪除我又買左腰果喇, 哈哈.
刪除煮咗未ja?haha..
刪除