汁煮蝦膠釀豆腐

呢排香港負能量真係爆晒燈, 雖然每次睇新聞睇到我咬牙切齒,好希望有本死亡筆記響手, 將d仆乖個名一個個寫晒落去, 寫到佢地死得有咁慘得咁慘...

但冷靜過後, 睇真d, 不得不信相由心生, 做賤嘢嘅人, 個樣比起當選前, 醜咗好多!一臉陰氣, 睇嚟黑暗正蠶食佢個仆乖靈魂, 善惡到頭終有報, 多行不義必自斃, 唔洗死亡筆記佢都會死得好慘.....eeeee....說好的冷靜呢...haha...

但真心, 我仍然滿懷信心, 堅持到底就是勝利! 因為雖然仆乖何其多, 但我仍然見到好多好多人性嘅光輝, 周圍包圍住我地嘅善良靈魂仲係佔大多數!所以就算遇到咩都要保持正能量!不要the皮!振作!!

好喇又講下自己, 呢排慢工出細貨去完成我嘅積木,因為每粒積木都要鑽螺絲,所以我得閒先砌少少。立下眼好似靈異照!😍

真貓dingding表示：睬你都傻，老娘煲劇!

之後......瞓著咗😑

呢排真係太太太熱, 我已經用電磁爐無火爐咁熱, 但係一蒸嘢或者開焗爐真係想死!所以夏天都係煮d快靚正簡簡單單嘢算!

呢排好中意食百福嗰隻濃豆腐, 我1舊開4,所以好鬼厚..haha... 掘咗個窿, 掘出嚟嗰篤豆腐老公叫我唔好Side, 於是我就掉晒入電飯煲同d飯一齊煲..haha...

都係嬸d鷹粟粉落個窿度, 厚釀d蝦膠入去咁啦..keke

真係好厚好變態..hha..煎咗蝦膠嗰面先啦梗係!

另一個煲煮豉油汁, 我用糖,味淋,日本醬油,大約係2:1:1, 滾起就校細火,將d釀豆腐放入, 蓋上煮1分鐘，咁佢又會熟晒又可以吸收到ｄ汁。
＊唔直接淋落個煎pan度因為煎緊好很多油啊！
＊唔煎好晒先響碟淋汁，因為用醬油煮一煮又好索味又易熟!

釀豆腐上碟, 開大d火煮濃d醬油汁淋上面食得!!好正啊!

一post一花：
夏天真係無咩選擇，所以今個星期只有佢：星