搬咗新屋本來想攪housewarming party, 但懶呀!hahha..
但我表姐呢, 就一定要搵佢嚟坐下喇!因為佢係同我最close嘅老表, 同埋大家都知, 我d屋企人親戚都唔係住香港, 所以香港最親就係佢喇!
咁我地定時都會約下見面咁嘅, 新年我同我老公去咗美國, 我除咗請cat sitter之外, 都拜托表姐嚟幫我睇頭睇尾, 佢要突登由九龍過嚟港島區好唔話得!
好喇, 咁一定要整d嘢食招呼下佢啦!煲咗牛奶桃膠雪耳。
講起桃膠我成大半年無食過, 話說大半年前我第一次整, 咁唔知頭唔知路, 求其拿一下拎去浸, 嘩頂第二日一睇, 佢由十幾粒仔發到滿一大湯碗, 我分咗唔知幾多日食, 食到驚!!所以成大半年無再食到...hahhaha好百痴!
另外整咗涼拌貓耳仔, 夜晚整時先發現應該搬屋時唔知d麻油飛咗去邊, 所以用咗薑油,豉油,蒜蓉,糖, 黑醋去撈, 以為好怪雞, 點知又幾好食, 以為好大兜, 點知我地兩條友講講講食食食5個鐘, 不知不覺食晒成兜!
其間我表姐阿媽即係我阿e突然好嬲咁打嚟, 原來佢包咗d糭比我, 但我表姐唔記得拎囉..hahha..ok, 皇上息怒, 第2日叫咗我老公做跑腿去拎返嚟!
嘩正呀好多豆呀!!!同埋隻咸蛋黃漏油架!
好耐好耐好耐無食梘水糭喇!!加楓樹糖漿一齊食好正正呀!!!
呢排d天氣怪怪, 有好多昆蟲, 大家有無見過呢隻好似飛鵝叫廣翅蠟蟬嘅核突昆蟲?我唸我呢區係比佢侵襲, 好不幸有隻飛咗入屋, 害蟲嚟要消滅!!
當然dingding身為貓界豬兜, 梗係不負所望咁企響最安全位置啦!好幫得手呀叻女!
啲桃膠浸左食唔曬，可以放冰箱慢慢食架。
回覆刪除點解你新居會有咁多昆蟲入侵架？
dingding真係好叻，識得縮入枱底，哈哈
初初唔知佢可以冰，所以食到好驚...haahah
刪除係呀我哋都覺呢間屋好多昆蟲圍住，我老公話可能頂樓近天台!
自家製糭，正呀~~我阿姨都有過兩隻俾我XD
回覆刪除DingDing果然夠醒，一定係物似主人形！
dingding以前好有火，而家老咗養尊處優好少出手..ahhaha
刪除我同我表妹都好 close，特別大家都在英國。見到你D糉，又想食番隻宵夜，哈哈！
回覆刪除我都留咗一隻響冰箱慢慢嘆!
刪除做咩叫Ding Ding做貓界豬兜唧
回覆刪除因為佢而家連有昆蟲企隔離都sense唔到
刪除今次糖水好味，甜度剛好😋😋😋
回覆刪除唔怪你今次唔洗叫都食咁多啦！
刪除自家包的糉一定好味道，我都好掛住以前婆婆包的愛心糉呢
回覆刪除我已經連阿婆有冇包糉都唔記得喇so sad
刪除HI, 好耐無見. 仲以為你已經唔寫添.
回覆刪除之前搬屋太忙喇，而家返來喇!
刪除真係唔嚟，一嚟就寫夠三篇！😸😼
回覆刪除勤力哩😁✌️
刪除