Come on! Pancake!

喂呀, 好憎呀!!!放工行返屋企, 見到扁咗嘅雀,扁咗嘅老鼠x 2, 扁咗嘅曱甴, 頂今日係「扁咗日」??我曾經向我老公發過毒誓, 唔會再好深入咁望條街嘅可疑物體, 因為每次望望下都發現係扁咗嘅老鼠...少年我太年輕了, 定力唔夠, 今次又忍唔住咗>.<

講第樣, 大家記得我之前的pancake嗎?上次用咗分蛋法嚟整, 方向好正確!但仲未成為我認為嘅完美成品!嗱, 都係嗰句, (古人mode)正所謂甲之蜜糖, 乙之砒霜, 對我嚟講, 我覺得好食到爆, 你可能覺得係爛屎一篤..hahahha..

可能有人覺得, 超!pancake之嘛, 洗唔洗咁誇咁麻煩!係嘅, 但同上面道理一樣, 我可以用100個步驟整一塊爛鬼pancake,然後用1秒將佢鯨吞化為烏有; 亦可以買預伴粉加水就咁煎,總之整得開心又食得高興唸咁多做乜春吖, 咁當然搵到個同一channel嘅人就求之不得啦!人生有個真正朋友, 的確好~~極!飲勝!

知喇知喇, 多廢話嘛我知喇!haha..入正題!上次個recipe係惦嘅,上次個post, reply blog友留言時, 唸起早年前好鬼興用香蕉+蛋整pancake, 所以今次試下用加入蕉,其他稍為改咗少少, perfect呀!

成份 : 

麵糊:
低粉200g
米奶200g
水100g
蛋黃1隻
香蕉1隻

打蛋白 :
蛋白2隻
糖4g

我將麵糊中嘅1隻蛋黃換成1隻熟到黑嘅香蕉, 即麵糊中有1黃1蕉, 另外上次個蛋白打得over咗少少, 今次好好多喇!

見blog友包雲吞話第一塊通常包衰..haha..you're not alone!       

第二塊開始像樣喇, 我中意食大塊

人地通常好整齊塊塊一樣大, 我整咩都特別混亂過人==

我真心覺得呢份早餐令我滿足到發晒癲!

肥?死開!yoooo!!!!我要盡情甜甜甜甜甜!花生醬+練奶>.<yea!!

加埋薑糖!!!甜甜甜甜甜甜甜甜甜甜甜甜!!!

我最期待嘅畫面!!!完美嘅厚度!!完美嘅texture!我唔否認我有強迫症!!hahaha...

呢個pancake project完美劃上句號。